Ekipi i Radio Bullgarisë njofton me dhimbje se sot në moshën 52-vjeçare ndërroi jetë kolegia jonë e dashur Anna Fuckova. Ani humbi betejën me kancerin, por la shpirtin dhe zemrën e saj në radio, ku punoi deri në fund për më shumë se 20 vjet.
Pas diplomimit në "Filologji Ruse" dhe "Gjuhë dhe letërsi moderne greke" në Universitetin e Sofjes, në vitin 1997 Anna Fuckova iu bashkua programeve në gjuhën ruse të "Radio Bullgarisë". Ndër vite ajo ka qenë reportere, redaktore dhe prezantuese. Ani është nga grupi i gazetarëve të cilët, në vitin 2004, ishin të parët që kontribuuan në ndërtimin dhe zhvillimin e faqes unike informative të "Radio Bulgarisë" në tekst, fotografi dhe audio në 11 gjuhë (bullgarisht, rusisht, anglisht, gjermanisht, frëngjisht, spanjisht, serbisht, greqisht, shqip, turqisht dhe arabisht).
Anna Fuckova ishte gjithashtu ndër mbrojtësit më aktiv të kauzës "Radio Bullgaria" në vitin e krizës 2017, kur programi për jashtë vendit, historia e të cilit daton që nga viti 1936, u përball me kërcënimin e mbylljes.
E paepur, plot ide dhe gjithmonë me qëndrim ndaj punës së saj – kështu do ta kujtojmë Aninë, së cilës të gjithë i kemi kërkuar ndihmë profesionale ose këshilla miqësore.
E dashur Ani, prehu në paqe! Të duam dhe na mungon shumë!
Foto: arkiv personal, BNR
Sopranoja e njohur shqiptare Ramona Tullumani është një nga artistet me të cilën mirëpresim vitin e ri 2024 në atmosferën e ngrohtë të Operës së Sofjes, në koncertin tradicional gala të Vitit të Ri (29, 30 dhe 31 dhjetor 2023), biletat për të cilin u..
"Mbrëmja shkoi mirë. Kjo ishte diçka normale. Në fund të fundit ishte Nata e Shenjtë... Atë ditë më caktuan një rol të rëndësishëm. Ndoshta më i rëndësishmi: ai i Babagjyshit të Krishtlindjeve" – kështu fillon tregimi "Dëshira që Babagjyshi i..
Disa njerëz në jetë kënaqen duke u marrë vetëm me një gjë të caktuar, por jo dhe ky njeri. Mjek reumatolog, skenarist, shkrimtar, profesor Zlatimir Kolarov është dëshmi se nëse njeriu ka dëshirë, mund t’ia dalë në çdo gjë. Dëshira për t'u bërë mjek ishte..