Pas gati dhjetë vitesh ndërprerje, në fund të vitit 2023, grupi “Fandango” përfundoi albumin e tyre të ri, të katërt, të titulluar "Si shpendët". Ka kohë që po punohet mbi të. Grupi e konsideron atë si “The Best për Fandango” në 8-9 vitet e fundit - ka këngë të krijuara vite më parë dhe të përhapura në tregun muzikor si single, por edhe të tilla që janë krijuar para vetëm 2 muajsh dhe janë krejtësisht të panjohura. Prandaj, muzika në të është shumë e larmishme, siç na siguron frontmeni i grupit Hristo Stefanov:

"Ne e mbajmë melodinë, në stilin e “Fandango”, por në vetë albumin ka shumë këngë të ndryshme. Ai është kaq i larmishëm, se madje ka një këngë popullore – “Thërriti Nikolla”, e realizuar sipas mënyrës sonë të këndimit”.

Në album janë përfshirë dy duete me Silvi Milen, gruan e Hristo Stefanov. Ai na tregoi më shumë hollësi edhe për këngën më te re “Atila”:

"Atila" është një këngë në një stil që nuk e kemi luajtur kurrë, madje nuk mund ta përcaktoj se çfarë është - a është etnorock... Por gjëja më interesante është seajo i është kushtuar një teme historike - nuk kemi bërë gjëra të tilla deri tani. Kënga lavdëron udhëheqësin legjendar Atila. Unë jam shumë i pasionuar pas historisë së lashtë bullgare dhe meqë nga hulumtimet e fundit rezulton se Atila është mjaft i lidhur me historinë e lashtë bullgare, vendosa të bëj një këngë kushtuar atij”, shpjegon Hristo Stefanov.