Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gëzuar festën!

16 vjet Kosova e pavarur

Foto: EPA/BGNES

16 vjet kaluan nga ai 17 shkurt i vitit 2008 kur Kosova u bë shteti më i ri në botë. Kjo ndodhi pasi shumica e deputetëve të Kuvendit të Kosovës dhe Presidenti i atëhershëm Fatmir Sejdiu shpallën  Deklaratën e Pavarësisë së Kosovës. Më 15 qershor të po këtij viti hyri në fuqi edhe Kushtetuta e vendit miratuar nga Parlamenti. Sipas saj, Kosova shpallet “shtet i pavarur dhe sovran” me formë qeverisjeje “republikë parlamentare”.

Me vendim të qeverisë të datës 20 mars, Bullgaria e njohu zyrtarisht Kosovën si  një shtet i pavarur, me të cilin të vendosë marrëdhënie diplomatike në nivel ambasadash.

Me kalimin e viteve bashkëpunimi midis dy vendeve tona po thellohet dhe po zgjerohet. Te data e sotme Sofja jep mbështetjen e saj për integrimin evropian të Kosovës dhe për forcimin e statusit ndërkombëtar të këtij vendi.

Vjet me rastin e 15 vjetorit të shpalljes së pavarësisë një vizitë zyrtare në Kosovë bëri Nënpresidentja Ilijana Jotova. Gjatë takimit me Presidenten Vjosa Osmani-Sadriu, zonja Jotova tha: “Bullgaria mbështet Republikën e pavarur të Kosovës. Që këtu e tutje, para të gjitha institucioneve ndërkombëtare dhe evropiane, ne do ta mbështesim Kosovën për anëtarësimin e vërtetë të saj. Do të lobojmë për anëtarësim në Këshillin e Evropës, shumë shpejt Kosova do të paraqesë kërkesën e saj për anëtarësim në BE dhe NATO”.

Në fund të vitit 2023 edhe kreu i shtetit Rumen Radev bëri një vizitë zyrtare në Republikën e Kosovës me ftesë të Presidentes Vjosa Osmani-Sadriu. Në fokus të vizitës ishte zhvillimi dhe thellimi i marrëdhënieve dypalëshe, bashkëpunimi në fusha me interes të përbashkët, perspektiva evropiane e Kosovës dhe zhvillimi i komunitetit bullgar në vend. Statusi i qytetarëve të Kosovës me vetëdije bullgare u diskutua edhe gjatë vizitës së Nënpresidentes Jotova.

Bullgaria jep një kontribut të veçantë në çdo fazë të krijimit të shtetit tonë dhe të ruajtjes së paqes, njohjes së pavarësisë së Kosovës, integrimit euroatlantik të vendit tonë”, tha Vjosa Osmani-Sadriu pas takimit të saj me kreun e shtetit bullgar. Ajo theksoi se mbështetja e Bullgarisë për Kosovën filloi në vitin 1999, kur, sipas saj, vendi ynë për herë të parë tregoi përkushtimin e tij për paqen dhe stabilitetin në vend.

Redaksia Shqip e Radio Bullgarisë



Последвайте ни и в Google News Showcase, за да научите най-важното от деня!

Më shumë nga rubrika

Profeti i shenjtë Ilia - i zgjedhuri i Zotit

Më 20 korrik, në mes të ditëve më të nxehta, Kisha jonë nderon profetin e Dhiatës së Vjetër Ilia. Për respektin e popullit tonë për Shën Ilian dëshmojnë kishat e shumta ortodokse me emrin e tij, ku për nder të tij janë kryer liturgji festive që nga..

botuar më 24-07-20 8.40.PD

Në qytetin Kazanllëk shënojnë 187 vjetorin e lindjes së Apostullit të Lirisë Vasill Levski dhe 156 vjetorin e vdekjes së vojvodës Haxhi Dimitër

Me rastin e 156 vjetorit të vdekjes së vojvodës Haxhi Dimitër dhe kaçakëve të tij, si dhe 187 vjetorit të lindjes së Vasill Levskit , komuna e qytetit Kazanllëk organizon disa veprimtari. Përulemi para trimërisë së heronjve kombëtarë..

botuar më 24-07-16 5.40.PD

Në Bullgari fillojnë të ashtuquajturat “Goreshtnici”

Më 15, 16 dhe 17 korrik, ditët më të ngrohta të verës,ose të ashtuquajturat “Goreshtnici”,në Bullgari kryhen një sërë ritualesh mbrojtëse. Ato kanë origjinë pagane dhe lidhen me kultin e zjarrit. Më shumë për ritualet e pasura festive në..

botuar më 24-07-15 10.23.PD