Big Band-i i Radios Kombëtare Bullgare do të na ofrojë programin “Ura mes brezave” në koncertin me të njëjtin emër më 22 shkurt. Më pas në Studion e Parë të Radios do të interpretohen disa nga hitet e estradës vendase nga këngëtarë të rinj. Mbi 20 tituj të dashur do të prezantohen në aranzhime të veçanta. Dirigjenti i ftuar është Georgi Milltiadov - gjithashtu një muzikant i ri, por tashmë i afirmuar, i cili po punon me Big Band-in BNR për herë të parë.
Këngët në programin "Ura mes brezave" janë të kompozitorëve si Josif Cankov, Boris Karadimçev, Stefan Dimitrov, Aleksandër Brëzicov, Vili Kazasjan, Emill Georgiev etj. - emra që kanë lënë një gjurmë në muzikën bullgare dhe shumica prej tyre kanë punuar me ansamblet muzikore të BNR-së. Interpretimet e reja do të prezantohen nga këngëtarë të rinj dhe grupe vokale, laureatë të garave kombëtare dhe ndërkombëtare.
Më e reja nga solistet e "Urës mes brezave" është 12-vjeçarja e talentuar Kristina Ençeva, e cila do të performojë "Gjer kur" - një këngë me muzikë të Aleksandër Brëzicov dhe tekst të Mihaill Bellçev. "Gjer kur" u përfshi në albumin debutues të Neli Rangellovës dhe në fillim të viteve 1980 të shekullit të kaluar i solli këngëtares çmimin “Lira e Argjendtë” për një performancë të huaj në Festivalin “Lira e Bratislavës” në Çekosllovaki dhe çmimin e dytë në edicionin e 21-të të Festivalit Ndërkombëtar të Këngës në Sopot (Poloni).
Përpiloi: Diljana Traçeva
Përgatiti në shqip dhe publikoi: Vesella Mançeva
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video..