Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Drejtimet në albumin debutues të autores së talentuar Kalina Andreeva

Foto: YouTube

Kalina Andreeva është pak më shumë se 20 vjeç, por tashmë është e njohur si kontrabasiste e talentuar, këngëtare dhe autore muzike. Ajo krijoi kompozimin e saj të parë në moshën 4-5 vjeç duke shpikur një melodi, të cilën babai i saj e harmonizoi dhe kështu ajo u bë një pjesë e pianos për fëmijë.

Kalina u rrit në një familje muzikantësh të shquar. Babai i saj është Georgi Andreev - një kompozitor, dirigjent, aranzhues, interpretues i gëdullka(një instrument muzikor nga grupi i instrumenteve me tela, i cili përdoret në muzikën folklorike bullgare), kryedirigjent dhe drejtor i Ansamblit Folklorik Shtetëror "Filip Kutev". Nëna e saj - Neli Andreeva - është një këngëtare e njohur popullore, soliste dhe koriste e ansamblit "Filip Kutev", drejtuese e formacionit vokal "Nusha". Edhe të dy e kanë nisur rrugëtimin e tyre krijues nga folklori, por kanë dalë jashtë kufijve të tij dhe mbi këtë bazë kanë krijuar muzikë të lezetshme, shpesh së bashku me emra me famë botërore, si Millço Leviev, Joss Stone etj. Kështu që Kalina u ushqye me muzikë cilësore që në moshë të vogël dhe nëna e saj e drejtoi atë në xhaz, të cilin Kalina më vonë, për arsye të dukshme, e kombinoi me muzikë etno. Ka pasur mësime kompozicioni dhe orkestrimi me të atin.


Pas shkollës së muzikës në Sofje, ku u diplomua për kontrabas, Kalina është studente në Akademinë e Muzikës "Panço Vlladigerov" në Sofje. Paralelisht, ajo merr pjesë në formacione dhe projekte të ndryshme, dhe në vitin 2023 përfundoi albumin e saj debutues solo "Drejtimi". Ideja për të daton vite më parë, por realizimi erdhi që kur Kalina u bë pjesë e projektit të trumpetistit Mihaill Josifov "Novitetet në xhaz". Atëherë ajo dëgjoi për herë të parë interpretimin e një vepre të saj etno-xhaz dhe kjo i dha kurajo të fillonte të realizonte ëndrrën e saj.  

Stilet e thurura në album janë të preferuarat e Kalinës - funk, R&B, jazz, etno, soul - gjithçka me të cilën ajo u rrit si person dhe muzikant. Kalina Andreeva është autore e muzikës, tekstit dhe aranzhimit të të gjitha këngëve në albumin "Drejtimi". Ja se çfarë nga tregoi ajo për albumin e saj të ri:

“Tema e albumit është besimi im, problemet në jetë, problemet e njeriut në përgjithësi dhe si ai i zgjidh këto probleme, si e përballon jetën e përditshme, me stresin, me rrëmujën e jetës. Ky album është thjesht mënyra ime e të shprehurit. Është diçka që gjithmonë kam dashur ta bëj dhe më në fund arrita ta bëj!"

Ju ofrojmë këngën që ia dha emrin albumit debutues të Kalina Andreevës - "Drejtimi".

Foto: YouTube /@KalinaAndreeva-Kalimankaa, bgma.bg

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

“Dashuria” - një këngë e re e grupit “Fandango”

Grupi “Fandango” prezanton​​ këngën “Dashuri” nga albumi i fundit "Si zogjtë". Kjo është një nga këngët e fundit të regjistruara për të. Autori i muzikës dhe i tekstit është solisti vokal i formacionit - Hristo Stefanov, aranzhimi është i gjithë..

botuar më 24-04-19 11.47.PD

“Unë dhe ti" – dueti Mania

Dueti “Mania” ka një këngë të re, këtë herë në bashkëpunim me Dian Savov - DJ Dian Solo. Daniella Petkova dhe Julija Dimitrova janë dy motra që janë rritur në një familje muzikantësh. Që në moshë të re ato u nisën në rrugën e muzikës, ku..

botuar më 24-04-17 8.30.PD

Kitaristi Angell Demirev prezanton muzikë origjinale në një koncert

Angell Demirev është një kitarist, muzika e të cilit thur motive etnike jo vetëm nga Bullgaria dhe Ballkani, por nga vende dhe kultura shumë më të largëta. Sipas tij, bëhet fjalë për kërkime shpirtërore dhe për komunikim me instrumentin. Edhe pse..

botuar më 24-04-16 11.35.PD