Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Qeveria raportoi aktivitetet e saj për 9 muajt e fundit të qeverisjes

| rinovuar më 24-03-08 6.37.MD
Foto: BGNES

Programi i menaxhimit vazhdon edhe për nëntë muajt e ardhshëm, me mbi gjysmën (56%) prej masave të zbatuara. Duke marrë parasysh punën e nëntë muajve të qeverisë, kryeministri i dorëhequr Nikollaj Denkov deklaroi se me zëvendëskryeministren dhe ministren e jashtme Maria Gabriel do të bëjë gjithçka që është e mundur që tranzicioni në menaxhim të jetë i qetë dhe me trazira minimale, për të vazhduar aktivitetin e përbashkët. Sipas fjalëve të Denkovit, qeveria e dorëhequr ka raportuar publikisht në baza mujore, në faqen e Këshillit të Ministrave dhe rezultatet mund t'i shohin të gjithë.

Nikollaj Denkov dhe Maria Gabriel

Nga ana e saj, Maria Gabriel theksoi se dialogu i hapur është mënyra më e drejtpërdrejtë për të kapërcyer dallimet dhe përpjekjet e bashkuara japin rezultate më të qëndrueshme. Sipas saj, GERB ka mbështetur një kabinet që në sytë e shumë njerëzve dukej i pamundur, por hapi u hodh në emër të stabilitetit të vendit. Gabriel falënderoi kryeministrin Denkov për punën e përbashkët dhe tonin konstruktiv që ata arritën të ruajnë.

Ndërkohë, ministrat e dorëhequr bënë një bilanc të arritjeve gjatë nëntë muajve të qeverisjes. Sipas kryeministrit të dorëhequr Nikollaj Denkov, inflacioni është në nivelin më të ulët në dy vitet e fundit dhe vazhdon të ngadalësohet dhe vendi ynë është në vendin e dytë për sa i përket rritjes së pagave në BE. Gjithashtu, ka 30 km autostrada të ndërtuara. Nga ana e saj, zëvendëskryeministrja dhe ministrja e jashtme Maria Gabriel theksoi progresin në luftën kundër trafikimit të qenieve njerëzore dhe parandalimin e dhunës në familje. Sipas Gabriel, është jashtëzakonisht e rëndësishme që Bullgaria të jetë shumë aktive për tema të tilla si Ballkani Perëndimor, lidhja midis Bullgarisë, Greqisë, Rumanisë dhe prej andej - midis Moldavisë, Ukrainës. U theksua dhe mënyra në të cilën vendi ynë kontribuon për agjendën pozitive mes BE-së dhe Turqisë. Lajmi i madh është që në çdo partneritet strategjik të Bullgarisë është e pranishme fjala “inovacione”.

Sa i përket përpjekjeve për pranimin e vendit tonë në Shengen, ministri i punëve të brendshme në dorëheqje Kalin Stoyanov vuri në dukje se nga shtatori 2023, vërehet një tendencë e përhershme për uljen e presionit të migracionit drejt Bullgarisë, e cila vjen si pasojë e rritjes së kontrollit përgjatë kufirit dhe bashkëpunimit me Turqinë kundër grupeve kriminale për trafikim njerëzor.

Foto. BGNES


Последвайте ни и в Google News Showcase, за да научите най-важното от деня!

Më shumë nga rubrika

Калин Джорджеску

Ngjarjet me adresë ballkanike

Kalin Xhorxhesku mbetet favoriti për vendin e presidentit në Rumani Kalin Xhorxhesku, i cili fitoi raundin e parë të anuluar të zgjedhjeve presidenciale në nëntor 2024 si një kandidat i pavarur, mbetet favorit për postin me 45% mbështetje..

botuar më 25-02-22 9.30.PD
Rumen Radev

Agjencia “Mjara”: Besimin më të madh tek votuesit e ka presidenti Rumen Radev

Në mesin e personaliteteve nga spektri politik në vendin tonë, besimin më të madh nga votuesit e gëzon presidenti Rumen Radev - 46,7%, i ndjekur nga kryeministri Rosen Zheljazkov (18,9%), lideri i partisë më të përfaqësuar në parlament, GERB,..

botuar më 25-02-21 5.34.MD

GERB: Politika e SHBA përbën një rrezik për ekonominë bullgare

Udhëheqësi i GERB-it, Bojko Borisov, u tha gazetarëve se ai mbështet qëndrimin e presidentit amerikan Donald Trump për paqen në Ukrainë, por këmbëngul që Bullgaria të mbetet besnike ndaj partnerëve të saj evropianë. Sipas tij, politika e..

botuar më 25-02-21 3.56.MD