Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Elita e gjimnastikës ritmike botërore mblidhet në Kupën e Botës në Sofje

Nevjana Vlladinova: Konkursi do të jetë tregues i asaj që do të ndodhë në Lojërat Olimpike në Paris

Foto: sofiaworldcup2024.com

Sofja po bëhet sërish kryeqyteti i gjimnastikës ritmike botërore, në të cilën elita e këtij sporti do të pikturojë tablonë e madhe të parandjenjave, emocioneve dhe dëshirave vetëm pak muaj para Lojërave Olimpike në Paris.

Nga data 12 deri më 14 prill në sallën "Arena Sofia" 57 gjimnaste dhe 15 ansamble nga 43 vende do të garojnë për çmimet e Kupës së Botës në kryeqytetin bullgar. Do të marrin pjesë më të mirat - me përjashtim të kampiones së botës Daria Varfolomeev nga Gjermania dhe ansamblit të Kinës.

Nevjana Vlladinova

"Kupa do të jetë një tregues i asaj që do të ndodhë në Lojërat Olimpike," thotë Nevena Vlladinova, nënkryetare e Federatës Bullgare të Gjimnastikës Ritmike dhe kryegjyqtare e turneut. “Kam më shumë se një muaj që jam duke u përgatitur për këtë garë. Janë bërë të gjitha detajet e organizimit të garës dhe këtë fundjavë do të mbahet një garë shumë spektakolare për medaljet”, shtoi ajo.

Borjana Kalejn

Katër gjimnastet tona konkurrojnë çdo ditë në sallën e stërvitjes, si dhe në ditët e provimeve, që në thelb janë garat përpara forumit më të madh sportiv në Paris. Ëndrra e madhe e Borjana Kalejn, Stilijana Nikollova, Eva Brezalieva dhe Ellvira Krasnobaeva është të marrin njërën nga dy kuotat olimpike. Prej tyre do të shohim Borjana dhe Stilijana në Botërorin në shtëpi.

"Të katër vajzat janë jashtëzakonisht të ndryshme dhe secila prej tyre mbart diçka karakteristike në vetvete, por më e mira është se ato janë të barabarta - tha Nevjana Vlladinova për Radio Bullgarinë. - Stilijana është shumë tërheqëse, Borjana është shumë femërore dhe artistike, Eva sjell diçka. në vetvete, që quhet 'X faktori', dhe Ellvira është si një statujë - nuk shkel tapetin teksa performon. Të gjitha tregojnë gjimnastikë të ndryshme në një nivel të jashtëzakonshëm."

Stilijana Nikollova

Në ansamble vendin tonë do ta përfaqësojnë Magdalina Minevska, Sofia Ivanova, Kamelia Petrova, Rjeçëll Stojanov dhe Margarita Vasileva. Pas krizës që përjetuan vitin e kaluar dhe rinovimit të skuadrës, vajzat janë në një formë të shkëlqyer dhe mund të përsërisin suksesin historik të ansamblit tonë të artë nga Olimpiada e Tokios në vitin 2021, beson Nevjana Vlladinova.

"Ato janë padyshim më të fortat në botë dhe me kombinimet më të forta - sidomos këtë sezon - vazhdon nënkryetare e Federatës Bullgare të Gjimnastikës Ritmike. - E vetmja gjë që kërkohet prej tyre është të jenë të qetë dhe të mos gabojnë. Pra ky është një qëllim absolutisht i arritshëm. Për momentin vajzat duken shumë më të bashkuara. Si gjithmonë trajnerja e tyre Vesella Dimitrova ka tejkaluar veten në përgatitjen e kombinimeve dhe ato duken rrënjësisht ndryshe nga ajo që kemi parë deri më tani. Vallet janë shumë komplekse, me elemente interesante dhe tërheqëse, me shpejtësi te madhe - 2 minuta e gjysmë, në të cilat nuk të zë fryma. Veç kësaj, gjimnastet janë tashmë një skuadër vërtet e formuar dhe kur hyjnë ne sallë të gjithë e dinë që kjo është Bullgaria dhe i shikojnë me shume interes ."


Në Kupën e Botës në Sofje, bullgaret në garën individuale do të luftojnë për medalje së bashku me italianet Sofia Raffaeli dhe Milena Baldassarri, me Daria Atamanov dhe Daniela Munitz nga Izraeli, me ukrainasit Viktoriia Onopriienko dhe Taisia Onofrichuk. Në ansamble, garueset nga Izraeli, Italia, Japonia, Brazili dhe Ukraina do të garojnë për medaljet së bashku me skuadrën tonë.

Forca e gjimnastikës ritmike bullgare është e njohur dhe është në kompozimet e mira, në muzikën e zgjedhur mirë dhe në atraktivitet”, vë në dukje përparësitë e gjimnasteve tona, ish-“vajza e artë” Nevjana Vlladinova.Sipas saj, gjimnastet tona kanë kombinime të forta dhe me vështirësi shumë të lartë, ndaj dhe në procesin stërvitor para Olimpiadës, theksi vihet te përsosja e performancës.Sigurisht që nuk është vonë për disa ndryshime kozmetike”, shton ajo.

Ellvira Krasnobaeva

Ndërkohë, gjimnastët tanë po bëjnë maksimumin për synimin e madh për pjesëmarrjen në Lojërat Olimpike dhe ngjitjen në shkallën më të lartë. Para Parisit, megjithatë, ata kanë tre Botërorë të tjerë përpara, Kampionatin Evropian në Budapest, Kupën e parë Evropiane në Baku.

Dhe, natyrisht, performanca e tyre para publikut vendas. Kupa e Botës sivjet do të jetë ndryshe jo vetëm sepse mbahet në vitin olimpik, por edhe për shkak të mbështetjes ndaj skuadrës së të ardhmes - fëmijëve të Bullgarisë. Në ditën e parë të garës, të gjitha të ardhurat e biletave do të dhurohen për kauzën e Fondit të Kombeve të Bashkuara për Fëmijët - UNICEF.

Foto: sofiaworldcup2024.com, facebook.com/BGRGfederation, BTA

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Kryeministri i Nepalit dekoroi alpinisten bullgare Sillvja Azdreeva, e cila u ngjit në Everest

Bullgarja Sillvja Azdreeva , e cila u ngjit në Everest më 15 maj 2022, mori një njohje të madhe për arritjen e saj, duke u dekoruar personalisht nga Kryeministri i Nepalit. "Në një ceremoni solemne, pata mundësinë e rrallë të merrja personalisht..

botuar më 24-05-29 6.24.MD

Presidenti diskutoi në Komitetin Olimpik Ndërkombëtar për kandidaturën e Sofjes për organizimin e Olimpiadës për të rinj

Ne e vlerësojmë shumë gatishmërinë e Komitetit Olimpik Ndërkombëtar për të mbështetur përpjekjet dhe ambicien e Bullgarisë për të pritur Olimpiadën Dimërore të të Rinjve. Kështu deklaroi presidenti Rumen Radev në një takim me presidentin e Komitetit..

botuar më 24-05-28 8.26.PD
Stilijana Nikollova,
foto: Federata Bullgare e Gjimnastikës Ritmike - Anna Nedkova

Medalje e artë për Stilijana Nikollovën dhe ansamblin bullgar të gjimnastikës ritmike në Kampionatin Evropian

Stilijana Nikollova u bë kampione e Evropës në gjimnastikë ritmike pas një paraqitjeje të shkëlqyer në Kampionatin e Budapestit. Ajo luajti pa gabime kombinimet e saj me rreth, shkopinj, shirit dhe top. Ansambli i Bullgarisë mbrojti titullin..

botuar më 24-05-27 9.27.PD