Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Galeria britanike The Wilson prezanton një koleksion pikturash të një emigranti bullgar

Foto: „Bullgarët në Londër“

Galeria dhe Muzeu The Wilson në qytetin britanik Cheltenham shfaq një koleksion unik pikturash nga një emigrant bullgar i cili ka jetuar dhe punuar në ishullin britanik për shumë vite. Ekspozita përmban vepra të Amedeo Modigliani, Vanessa Bell, Pablo Picasso, Duncan Grant dhe emra të tjerë të mëdhenj të artit figurativ, raporton gazeta Dnevnik.

Koleksioni i çmuar i artit është në pronësi të bullgarit Matej Radev. Në vitin 1950, bashkatdhetari ynë u largua nga regjimi totalitar në Bullgari dhe pas një udhëtimi të rrezikshëm, u vendos në Londër, ku punoi si sanitar në një spital. Aty Matej u takua me kirurgun dhe aktivistin për të drejtat e homoseksualëve, Patrick Trevor-Roper, i cili e prezantoi bullgarin në shoqërinë e lartë angleze.
Vepër nga Picasso
Me ndihmën e kirurgut britanik Matej Radev u punësua në Galerinë Robert Wellington. Atje mësoi të bënte korniza pikturash dhe u njoh me disa nga artistët më të mëdhenj të shekullit të njëzetë.

Ajo që dihet sot për koleksionin Radev është se ai u krijua nga koleksionistët dhe kritikët britanikë Eddy Sackville-West dhe Eardley Knollys. Në vitin 1991 Knollys ia la trashëgim Radevit, i cili e pasuroi dhe në një moment numri i pikturave arriti 800.
Galeria The Wilson në qytetin Cheltenham
Pas vdekjes së Matej Radevit në vitin 2009, koleksioni i tij u prezantua në galeri të ndryshme britanike. Pikturat që ishin në pronësi të tij janë aktualisht të ekspozuara në Galerinë The Wilson në Cheltenham, ku mund të shihen deri në fillim të shtatorit 2024.

Fotot: “Bullgarët në Londër”, BTA

Përpiloi: Veneta Nikollova

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Festivali veror i filmit në Bansko prezanton pamje ekstreme për adhuruesit e aventurave

Vitin e radhës banorët dhe mysafirët e qytetit malor Bansko do të transferohen në botën e alpinizmit, kinemasë ekstreme dhe aventureske, njoftoi BTA. Edicioni i sivjetshëm i "Pasioni filmik nën yjet e verës" është në tri mbrëmje - nga data 25..

botuar më 24-07-25 5.26.MD
Teodor Ushev

Teodor Ushev dekorohet me çmimin "Renato Gutuzo" në festivalin Animaphix

Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor Ushev, i cili bëhet mbajtës i çmimit "Renato Gutuzo" për vitin 2024, njoftoi BTA. Ushev dekorohet..

botuar më 24-07-22 12.07.MD
Prof. Krasimir Stançev

Prof. Krasimir Stançev: Gjuha mund të përdoret për çfarëdo qëllimesh - nga më paqësorët deri te shpallja e luftës

"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..

botuar më 24-07-13 11.10.PD