Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Universi” – takon edhe një herë botët muzikore të Mihaella Marinovës dhe Ljubo Kirovit

Foto: YouTube /Mihaella Marinova

Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë sa u bë një nga këngët e preferuara të reja në repertorin e tyre. Dëshmi për këtë është se Mihaella prej tre vitesh është një interpretuese e ftuar speciale në turneun e Ljubo Kirovit dhe shpesh shfaqet në koncertet e tij më të rëndësishme. Ndaj projekti i tyre i radhës i përbashkët, i titulluar “Universi”, nuk është befasi për askënd.


"Do të ishte shumë e çuditshme nëse “Mundem” nuk do të kishte një vazhdim. E shoh si fatal takimin tim me Ljubon. Ai u bë mësuesi im në shumë nivele, më përqafoi dhe është një nga njerëzit që më besojnë më shumë. Duke punuar me të është frymëzim”, ndan Mihaella.

"Universi" është një këngë nga albumi i dytë i studios i këngëtares ("Deri në pafundësi"). Muzika, teksti dhe aranzhimi janë të Mihaellës dhe Angell Djullgerovit.

Ljubo Kirov ra në dashuri me këngën që pasi e dëgjoi për herë të parë.

"Kur e dëgjova, fillova të këndoj. Askush nuk mund të më bindë se kjo këngë nuk është një duet i kompozuar për mua dhe Mihaellën. Të gjithë janë të lumtur të këndojnë me dikë të ngjashëm me të", thotë Ljubo Kirov.


Për herë të parë, fansat do ta dëgjojnë duetin live në koncertet e turneut të ardhshëm të Ljubo Kirovit, ku Mihaella do të jetë përësri e ftuar speciale. “Universi” do të jetë edhe pjesë e programit të Mihaella Marinovës, e cila gjithashtu do të shkojë në një turne kombëtar në vjeshtën e vitit 2024.

"Universi" ka jo vetëm audio, por edhe një videoklip të bukur me regji të Viktor Antonovit (Rik).

Foto: YouTube /Mihaella Marinova, Facebook /Mihaella Marinova, Facebook /Ljubo Kirov

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Dueti vokal LATIDA dhe kënga e tyre më e re

LATIDA është një dyshe vokale që kohët e fundit konfirmoi vendin e saj në jetën muzikore të Bullgarisë jo vetëm me pjesëmarrjen në projekte të ndryshme, por edhe me këngët e saj origjinale. Ato janë Jana Baleva dhe Elizabet Nesheva, të cilat i njohim..

botuar më 25-02-28 6.15.PD

Kënga popullore “O moj rini e shkretë” me një tingëllim të ri

Fillimi i vitit 2025 është më se i frytshëm për këngëtaren Desi Dobreva – krahas udhëtimeve nëpër botë, ajo arriti të incizojë një këngë të dytë. Pas këngës së saj prej autori “Në fund të Tokës” , erdhi dhe incizimi i këngës popullore nga fshati..

botuar më 25-02-27 2.20.MD

Orkestra e Muzikës Popullore e Radios Kombëtare Bullgare fillon një turne në vend

Orkestra e Muzikës Popullore e Radios Kombëtare Bullgare, e drejtuar nga maestro Dimitër Hristov , po përgatit një turne pranveror në mars. Të ftuar specialë solistë të "Orkestrës së Solistëve" në koncerte do të jenë këngëtarët Petja Paneva dhe..

botuar më 25-02-26 6.00.PD