Petriç ndodhet në rrëzë të dy prej maleve më të bukura dhe ende të paprekura nga turizmi - Ograzhden dhe Bellasica. Zona përreth qytetit jugperëndimor ka qenë e banuar që nga kohërat e lashta, siç dëshmohet nga një sërë gjetjesh arkeologjike, dhe në mesjetë këtu u vendos fati i Mbretërisë së Parë Bullgare.
15 km nga Petriçi, shumë afër kufirit tonë me Maqedoninë e Veriut, gjenden mbetjet e kalasë së Samuilit, e ndërtuar në periudhën 1009-1013, në kohën e mbretit Samuill. Kalaja lidhet me një nga tragjeditë më të mëdha në historinë bullgare. Në vitin 1014, gjatë betejës pranë fshatit të sotëm Kljuç, perandori bizantin Basili II mundi ushtrinë prej 15000 trupash të mbretit Samuill dhe verboi ushtarët e kapur. Në pamjen e procesionit të zi të luftëtarëve të gjymtuar, sundimtari bullgar pësoi një atak në zemër dhe vdiq, pohojnë bashkëkohësit e tij. Sot, kalaja e Samuilit është restauruar dhe shndërruar në një park-muze kombëtar, të cilin e vizitojnë bullgarët dhe mysafirët nga Maqedonia e Veriut dhe Greqia fqinje:
“Natyra është e mrekullueshme atje, mund të shihni pemë shekullore dhe, natyrisht, të kuptoni nga maketi se si është dukur fortifikimi i Mbretit Samuill - thotë Sillvija Vellçeva, një guide turistike në muzeun historik në Petriç - Vetë kompleksi kulturor dhe historik është hapur në vitin 1982. Fillimisht kalohet nëpër një park piktoresk, pas së cilës vizitorët mund të shohin një kopje të një banese mesjetare, pasi aty ka pasur 42-43 banesa të tilla që janë shërbyer si kamp për Mbretin Samuill.
Në kompleks u ngrit edhe një monument bronzi i lartë 5 metra i Samuilit, i cili e paraqet mbretin në momentin kur i ka parë luftëtarët e tij të verbuar. Në njërën dorë ai mban një skeptër, që do të thotë se Bullgaria do të mbijetojë.
Vizitorët mund të ngjiten në kullën e restauruar të monitorimit, nga e cila shihet një pamje madhështore e maleve. Kalaja është pjesë e një sistemi fortifikues që shtrihet për më shumë se 8 km përgjatë shpateve të Bellasicës dhe Ograzhdenit."
Pranë Petriçit, afër zonës së Rupite, shihen mbetjet mbresëlënëse të Herakleja Sintika legjendare, e themeluar në shekullin IV para Krishtit. Qyteti lulëzoi edhe nën sundimin maqedonas dhe romak, si një qendër e rëndësishme tregtare dhe kulturore.
"Ky vend aktualisht po i nënshtrohet konservimit dhe restaurimit. Herakleja Sintika është një qytet i vjetër antik që u varros nga dy tërmete të njëpasnjëshme. Në muzeun tonë historik mund të shihni pllakën, ose më mirë aktin noterial, i cili vërteton se ky është me të vërtetë qyteti i Herakleja Sintika. Ai është kërkuar për më shumë se 150 vjet në territorin e Greqisë fqinje, prandaj kjo pllakë është e rëndësishme për trashëgiminë tonë kulturore” – thotë Sillvija Vellçeva.
Në rrëzë të ish vullkanit Kozhuh, afër Herakleja Sintika, ndodhet shtëpia ku profetesha Vanga i ka pritur të sëmurët dhe njerëzit në vështirësi. Në vitin 1994, ajo vetë financoi një projekt për ndërtimin e kishës “Shën Petka”.
Më pas, rreth shtëpisë së saj, e cila është shndërruar në muze, dhe kishës, u krijua një park me specie të rralla pemësh, burime minerale, përrenj dhe shpendë të ndryshëm. Vendi ka një energji të veçantë.
Manastiri i Çurillovos "Shën Gjergji" pranë fshatit Gega, i cili supozohet të jetë themeluar në shekullin e 14-të, është një tjetër kënd shpirtëror, i zhytur në histori dhe shenjtëri, mes natyrës së ruajtur të Jugperëndimit bullgar.
Quhet edhe Manastiri i Djajve. Shihni pse:
Foto : petrichhistorymuseum.bg, Veneta Nikollova
Përgatiti në shqip dhe publikoi: Vesella Mançeva
Gjatë gërmimeve të shpëtimit, nga nekropoli i kolonisë romake Ulpia Raciaria (në afërsi të fshatit Arçar, komuna Dimovo, rajoni i qytetit Vidin) u zbuluan 17 varre, nga të cilat pesë varre dhe 12 varre në gropa. Këtë e njoftoi Zdravko Dimitrov nga..
Në vitin 2009, bashkatdhetari ynë Anton Orush solli koleksionin e tij kushtuar teknologjisë bullgare. Ndër eksponatet në të ka televizorë, radio, pajisje kuzhine, kompjutera, telefona, pajisje për lëshim faturash etj. Gradualisht, ky pasion i tij e shtyu..
Vetëmohimi, ndershmëria, trimëria dhe besimi në të drejtën e lirisë kombëtare dhe në një jetë të denjë. E gjithë kjo personifikon një nga heronjtë më të dashur kombëtar bullgar - Vasill Levski . Më 18 korrik të këtij viti Bullgaria shënon 187 vjet..
Një tempulli trak nga shekulli III para Krishtit pa analog në vendin tonë mund të shndërrojë 10 hektarë të zonës "Jug" ("Juzhen") të Plovdivit në..