Pas debateve të ashpra, parlamenti hodhi poshtë kabinetin e propozuar nga GERB-SDS me kryeministrin Rosen Zheljazkov. 98 deputetë e mbështetën, 138 deputetë votuan “kundër”, dy abstenuan. Kujtojmë se Zheljazkov, që përfaqëson forcën e parë politike në parlament, më 1 korrik mori nga presidenti Rumen Radev mandatin e parë eksplorues dhe menjëherë e ktheu të plotësuar. “Kabineti i pakicës” i shpallur prej tij përbëhej nga një zëvendëskryeministër dhe 19 ministra, 7 prej të cilëve ushtrues detyre në kabinetin teknik me kryeministrin Dimitër Gllavçev.
“Përbërja e qeverisë e propozuar nga unë ka për detyrë kryesore rivendosjen e qeverisjes efektive, mesatarisht në tri vitet e fundit në Bullgari mbahen zgjedhje çdo 6 muaj. Shoqëria tashmë është bërë apatike dhe vetëm bërthamat e forta votojnë”, argumentoi Zheljazkov nevojën për të mbështetur këtë kabinet, duke theksuar se kandidatët për ministra e kanë dëshmuar veten se janë politikanë.
"Kjo është një qeveri e tipit harroni për të ardhmen, ne nuk mund ta mbështesim. Sot na ofrohet një qeveri nga GERB, e plotësuar nga disa ministra që i janë besuar Peevskit," tha Nikollaj Denkov, ish-kryeministër nga PP-DB.
"Ne do të veprojmë në mënyrë shtetërore... Do të mbështesim mandatin e fituesit në zgjedhje, sepse respektojmë votën e zgjedhësve bullgarë", tha nënkryetari i forcës së dytë parlamentare - DPS, Jordan Conev nga foltorja parlamentare. Ai siguroi se partia e tij do të bëjë të njëjtat përpjekje për një qeveri me mandatin e dytë, nëse do t'i dorëzohet, në mënyrë që "Bullgaria të ketë një qeveri që është rreth vlerave që rrëfen bota e lirë perëndimore".
“Nuk do të mbështesim kabinetin “Zheljazkov”, që e kthen DPS-në në patericë të GERB-it”, deklaroi kreu i nacionalistëve “Vëzrazhdane” Kostadin Kostadinov.
"Ne e respektojmë GERB-in, sepse ata po përpiqen të formojnë një kabinet, por ne nuk mund ta mbështesim atë. Ju nuk e kuptoni se keni krijuar humnera në shoqëri. Duhet të ketë një kabinet, por ekspertësh, të pajtimit kombëtar", theksoi kryetari i grupit parlamentar të BSP Borisllav Gucanov.
“Nga kriza mund të dalet vetëm me një kabinet ekspertësh me një program të qartë dhe me mbështetje të gjerë parlamentare”. Kështu, Toshko Jordanov arsyetoi vendimin e ITN për të votuar kundër kabinetit të propozuar të pakicës GERB-SDS.
Lideri i GERB-it, Bojko Borisov, para deputetëve theksoi se partia nuk do të mbështesë qeverinë as me mandatin e dytë e as me atë të tretë, që do të thotë se do të shkojmë sërish në zgjedhje. “Nuk është logjike që partitë me 6-7% të dominojnë”, argumenton ai.
Në vitin 2023, 47% e totalit të eksporteve të Bullgarisë drejt Kinës është përbërë nga produkte bujqësore dhe ushqimore. Për sa i përket këtij eksporti në vitet 2022 dhe 2023, Bullgaria zë vendin e parë ndër vendet e Evropës Qendrore dhe Lindore...
Sot shënojmë Ditën e Kujtimit për Krimet e Regjimeve Nacional Socialiste, Komuniste dhe të tjera totalitare dhe nderojmë viktimat e tyre. Kryeministri Dimitër Gllavçev, i cili vendosi lule para Memorialit të Viktimave të Komunizmit, i cili ndodhet..
Gjatë gjashtëmujorit të parë të vitit janë pranuar 151 raporte me të dhëna për vepra korruptive të kryera nga zyrtarë të Ministrisë së Punëve të Brendshme, sipas raportit për zbatimin e masave nga Plani Kundër Korrupsionit të Ministrisë së Punëve..
20.8% e bullgarëve duan të jetojnë gjatë udhëheqjes së një qeverie autoritare, 10% të tjerë janë përkrahës të komunizmit, sipas studimit të fundit të..
Qyteti i Kazanllëkut, i vendosur në Luginën Bullgare të Trëndafilave, është zgjedhur për të pritur në vitin 2025 Konkursin Ndërkombëtar të Lutierëve..