Festivali i figurave të rërës rikthehet për të 17-ën verë radhazi në qytetin bregdetar Burgas. Ai do të hapë dyert për vizitorët më 5 korrik në parkun “Liqeni”, njoftoi BTA. Një shfaqje të veçantë me rastin e hapjes do të prezantojnë Shkolla e Baletit "Marina Zmeeva" dhe muzikantët nga Orkestra Frymore e Burgasit.

Tema e festivalit këtë vit është “Në botën e cirkut”. Në ekspozitë, vizitorët do të mund të shohin figura të mëdha rëre të akrobatëve, klounëve, magjistarëve, shëtitësve në litar, zhonglerëve, kafshëve të cirkut.

Në mesin e skulptorëve që marrin pjesë në galerinë e hapur, është edhe një mysafir nga Spanja. Krijuesit nisën punën për krijimet e tyre në prill të këtij viti. Qyteti prej rëre do të kënaqë banorët dhe mysafirët e Burgasit deri në fund të shtatorit.

• Jo Xhurasik, por Burgasik park

• Përgatitet Festivali i Figurave prej Rëre në Burgas