Cilat janë kushtet që të huajt të përfitojnë kujdes shëndetësor në Bullgari?

botuar më 24-07-06 10.30.PD

Foto: Pixabay

Në rreshtat e mëposhtëm, Radio Bullgaria do t'ju tregojë shkurtimisht kushtet të cilat shtetasit e huaj duhet të plotësojnë, që të përdorin ndihmën mjekësore në Bullgari nëse është e nevojshme.

Cilët të huaj kanë të drejtë të përfitojnë nga kujdesi mjekësor në Bullgari kundrejt tarifës së përdoruesit (aktualisht 1 lev për pensionistët dhe 2,90 leva për të gjithë qytetarët e tjerë me sigurim shëndetësor)?

• - të huaj me leje qëndrimi afatgjatë (me periudhë fillestare të lejuar 5 vjet dhe mundësi rinovimi) ose qëndrim të përhershëm (me afat të pacaktuar) në Bullgari - sipas kushteve dhe sipas procedurës për shtetasit bullgarë, d.m.th. me pagesë të rregullt të sigurimit shëndetësor.

• - të huaj me statusin e refugjatit, statusin humanitar dhe me të drejtë për azil, të huaj me mbrojtje të përkohshme - sipas kushteve dhe sipas procedurës për shtetasit bullgarë.

Në cilat raste buxheti i shtetit mbulon kontributet e sigurimit shëndetësor të të huajve me mbrojtje të përkohshme?

- për personat me mbrojtje të përkohshme deri në moshën 18 vjeç dhe 63 vjeç e lart për gratë dhe 65 vjeç e lart për burrat, përveç nëse i nënshtrohen sigurimit shëndetësor për një arsye tjetër;

- për personat me mbrojtje të përkohshme të moshës 18 vjeç e lart dhe nën 63 vjeç për gratë dhe nën 65 vjeç për burrat - për një periudhë prej 90 ditore nga data e dhënies së mbrojtjes së përkohshme, përveç nëse i nënshtrohen sigurimit shëndetësor për një arsye tjetër.

Në çfarë kushtesh ofrohet ndihma mjekësore për qytetarët e shteteve anëtare të Bashkimit Evropian?

• - Për çdo shtetas të siguruar në një shtet anëtar të BE/ZEE/Zvicër që ka nevojë për ndihmë mjekësore urgjente në Bullgari (d.m.th. çdo ndihmë që mjeku mendon se në varësi të gjendjes shëndetësore dhe kohëzgjatjes së qëndrimit të qytetarit, nuk mund të shtyhet deri në kthimin e tij të planifikuar në vendin ku jeton), vlejnë kushtet për përdorimin e ndihmës mjekësore si për bullgarët e siguruar. Pacientët duhet të paraqesin një Kartë Evropiane të Sigurimit Shëndetësor dhe një dokument identifikimi si dhe të plotësojnë një deklaratë urgjence pas pranimit në spital.

• - Për të përfituar nga kjo e drejtë, ata duhet të kontaktojnë institucionet mjekësore që kanë lidhur kontratë me Fondin Kombëtar të Sigurimeve Shëndetësore.

Cilat janë tarifat për kujdesin mjekësor për të huajt që kanë leje qëndrimi afatgjatë (me një periudhë të lejuar deri në një vit) ose afatshkurtër (deri në 90 ditë brenda çdo periudhe 180-ditore nga data e hyrjes në vend) në Bullgari apo tranzit nëpër të?

• - Ata paguajnë vlerën e ndihmës mjekësore që u jepet me çmime të përcaktuara nga institucioni specifik mjekësor, përveç nëse për ta është në fuqi një traktat ndërkombëtar, në të cilin Bullgaria është e përfshirë.

A janë të detyruar të huajt që qëndrojnë për një periudhë afatshkurtër ose afatgjatë në vend, apo kalojnë tranzit përmes tij, të kenë sigurim shëndetësor ose sigurim që mbulon shpenzimet e trajtimit mjekësor dhe qëndrimit në spital gjatë qëndrimit të tyre në vend?

• - Po, nëse nuk është parashikuar ndryshe në një traktat ndërkombëtar ku Bullgaria është palë.

• - Në lidhje me pranimin tonë në Shengen nga 31 Mars 2024, Bullgaria lëshon viza uniforme (Shengen) të vlefshme për të gjithë zonën Shengen. Sigurimi duhet të mbulojë vetëm periudhën aktuale të qëndrimit, jo periudhën e vlefshmërisë së vizës. Shuma minimale e mbulimit të sigurimit është 30 000 euro.

Nëse jeni të interesuar, sa është shuma e sigurimit shëndetësor në Bullgari:

• - Kontributi i sigurimit shëndetësor të detyrueshëm për vitin 2024 është 8% e të ardhurave. Shpërndarja e kontributeve të sigurimit shëndetësor ndërmjet siguruesit dhe të siguruarit është në raportin 60 me 40, ose 4.8% për llogari të siguruesit dhe 3.2% për llogari të të siguruarit. Për ata që janë të vetësiguruar, kontributi është tërësisht në kurriz të tyre.

Lexoni më tepër:

Foto: Pixabay, arkiva

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Cilat janë kushtet që të huajt të përfitojnë kujdes shëndetësor në Bullgari?

Më shumë nga rubrika

Kafshët në Kopshtin Zoologjik të Burgasit marrin dhurata nga Plaku i Krishtlindjeve

Përrallat e Krishtlindjeve prej qelqi apo si ringjallet një traditë e harruar

Banorët e fshatit Zmejovo shënojnë festën e verës së pelinit, recetën e së cilës e ruajnë me xhelozi

Magjia e Krishtlindjes - nga bekimi i lashtë deri te shfaqja e plakut të mirë në trojet tona

“Krishtlindjet bullgare” mblodhi 2.9 milionë leva (pothuajse 1.5 milionë euro) për fëmijët në nevojë për trajtim