Sindikata më e madhe në vend, Konfederata e Sindikatave të Pavarura (KNSB), kërkon që në buxhetin e vitit 2025 të përfshihet një rritje prej 10% e të gjitha pagave. Sipas llogaritjeve të sindikatës, kjo do të kushtojë pak më pak se 900 milionë euro, tha kryetari i sindikatës Pllamen Dimitrov. Tashmë u zhvillua një bisedë paraprake me ministrin e financave. “E informuam ministrin e financave për atë që na nevojitet, që fillimisht të përfundojmë buxhetin e vitit 2024 sipas planit dhe të përfshijë pagesat sektoriale që mungojnë deri më tani”, tha Dimitrov. Ai shtoi se mori garancinë se fondet do të jenë në dispozicion. Sindikatat kërkojnë që të ardhurat në vend të fillojnë të llogariten sipas të ashtuquajturës paga e jetesës, e cila përcakton të ardhurat që i nevojiten një familjeje për të plotësuar nevojat e saj bazë. Sindikata do të insistojë për rritjen reale të pagave edhe në sektorin privat.