4
Mbrëmjet e kulturës bullgare në Shqipëri po vazhdojnë edhe në muajin gusht. Shfaqjet e para ishin në qershor, kur grupe folklorike nga Bullgaria prezantuan kostume, valle dhe këngë popullore bullgare para teatrit "Aleksandër Moisiu" në qytetin e Durrësit. Dy koncerte të tjera janë planifikuar në qytetin e dytë më të populluar në Shqipëri – në datat 12 dhe 17 gusht 2024, mësojmë nga Ministria e Punëve të Jashtme.
Festivali "Mbrëmjet e kulturës bullgare" organizohet tradicionalisht nga Xhejljan Demirev, kryedrejtori artistik dhe koreografi për një kohë të gjatë i Ansamblit të Këngëve dhe Valleve Popullore të Veriut “Ivan Vëlev” në Pleven dhe një patriot me shpirt të madh. Prej këtij viti përgatitja e aktivitetit kryhet edhe me mbështetjen e Ambasadës Bullgare në Tiranë.
Në koncertet e muajit qershor grupet kishin përgatitur një program të larmishëm në shesh, duke shkaktuar interes të madh te banorët vendas dhe mysafirët e qytetit.
Edicioni i tretë për vitin 2024 i festivalit "Mbrëmjet e Kulturës Bullgare" ishte i ftuar edhe në një qytet tjetër shqiptar, Shijaku.
Për nder të mysafirëve nga Bullgaria, në sheshin qendror të qytetit u organizua një ekspozitë e produkteve të fermerëve dhe zejtarëve vendas. Një mirëseardhje të veçantë bëri nënkryetarja e bashkisë Shpresa Domi dhe grupi folklorik i fëmijëve të Shijakut. Pjesëmarrësit morën edhe certifikata të posaçme.
Organizimi i mirë nga ana e mikpritësve dhe kënaqësia e pjesëmarrësve dhe e publikut është një kërkesë për mbajtjen e mbrëmjeve të ngjashme në qytetin e Shijakut edhe në vitin 2025.
Lexoni më shumë:
Foto: MPJ
Përpiloi, përgatiti në shqip dhe publikoi: Vesella Mançeva
Dita e Arafatit është dita e fundit nga ditët e shenjta për myslimanët në muajin e Ramazanit. Në Islam, kjo është dita më fisnike e vitit, dhe lidhet me privimet e rënda 30-ditore - "agjërimin". Ngrënja e bukës dhe pirja e lëngjeve dhe e ujit bëhet vetëm..
Një kompozim skulpturor në fshatin е malit Rodopa - Shiroka Llëka lavdëron gajdexhinjtë dhe këngëtarët vendas, të famshëm në mbarë vendin dhe më gjerë. Quhet “Gajdexhiu”, dhe së fundmi në fshat u prezantua një roman me të njëjtin titull. Fshati..
Fshati nënballkanik Turija mirëpret mbi një mijë pjesëmarrës në lojërat e maskaradës "Pleqtë në Turija". Në edicionin e sivjetshëm të festivalit më 30 mars do të marrin pjesë 28 grupe me kukeri (njerëz të maskuar) nga e gjithë Bullgaria. Çdo vit..
Vranësira të dendura me shi
Vranësira të ndryshueshme mundësi për reshje shiu
Vranësira