Kryetari i Dhomës së Përfaqësuesve të Japonisë, Fukushiro Nukaga, mbërriti për një vizitë zyrtare në Bullgari, njoftoi BNT. Me një ceremoni zyrtare përpara Monumentit të Luftëtarit të Panjohur në Sofje, Nukaga u prit nga kryetarja e Kuvendit Popullor Raja Nazarjan. Të dy bënë homazhe dhe vendosën kurora lulesh para memorialit dhe me një minutë heshtje nderuan kujtimin e të vrarëve për lirinë e Bullgarisë. Kryetarët e dy parlamenteve biseduan "sy më sy" në godinën historike të Kuvendit Popullor, ku Fukushiro Nukaga nënshkroi librin për mysafirët zyrtarë të parlamentit bullgar.

Më vonë, Fukushiro Nukaga do të bisedojë me presidentin Rumen Radev dhe kryeministrin në detyrë Dimitër Gllavçev. Planifikohet, që miku japonez të vizitojë Tempullin-Monument “Shën Aleksandër Nevsk” dhe Muzeun Historik Kombëtar.