Ne mbështesim Ukrainën në kauzën e saj të drejtë për të ruajtur pavarësinë, integritetin territorial dhe sovranitetin e saj sipas Kartës së OKB-së. Kështu deklaroi kryeministri në detyrë Dimitër Gllavçev në Dubrovnik para samitit "Ukrainë-Evropa Juglindore", transmeton BTA. Gllavçev theksoi se qëndrimi i shprehur nga ai është në përputhje me vendimet e Kuvendit Popullor. Ne do të mbështesim Ukrainën aq sa duhet, sipas mundësive tona, tha Kryeministri. Në fjalën e tij ai theksoi se lufta në Ukrainë kërkon që integrimi evropian të mbetet lartë në axhendën politike të BE-së. “Zgjerimi i BE-së është një gur themeli për paqen dhe prosperitetin mes popujve të Evropës. Shpresoj se Ukraina do të ruajë vrullin e saj drejt integrimit evropian”, shtoi Gllavçev.