Në vitin 2024 demokracitë përfituan nga ndryshimet politike dhe teknologjike duke rrëzuar liderët e dështuar, duke braktisur idetë e vjetruara dhe duke përqafuar prioritete të reja, të argumentuara mirë. Kështu deklaroi presidenti Rumen Radev në edicionin e pestë të Forumit Ekonomik të Sofjes. Ai tha se 2025 po bëhet një pikë kthese jo vetëm për Bullgarinë, rajonin dhe Evropën, por edhe për botën.

 
"Arkitektura e sigurisë gjeopolitike po shembet, modelet ekonomike të krijuara prej kohësh po plasariten, recesioni po pushton në ekonomitë kryesore evropiane dhe teknologjia po vazhdon të zhvillohet gjithnjë e më shpejt," tha kreu i shtetit. Ai bëri thirrje për gjetjen e shkaqeve të simptomave për të kuruar prapambetjen e Evropës. Bashkimit Evropian do t'i duhet të reformojë thellësisht strukturën e tij  të qeverisjes dhe mekanizmat vendimmarrës, në mënyrë që të mund të veprojë shpejt dhe të përqendrojë resurse të rëndësishme për ambiciet e tij strategjike, kërkoi Radev.