“Dedikim” – ekspozitë i kushtuar pedagoges Penka Kasabova

Penka Kasabova me Boris Hristovin

Fisnike, inteligjente, e arsimuar Penka Kasabova mbetet në histori jo vetëm si “pedagoge e pedagogëve”, por edhe si gruaja e cila ka një vend special në zemrën e basit me famë botërore Boris Hristov. Ajo u nda nga jeta në vitin 2000 duke lënë pas vetes shumë pasardhës dhe një gjurmë të ndritshme në historinë e arsimit pedagogjik tek ne.

Lindi në qytetin Stara Zagora në vitin 1901 në familjen e një mësuesi bullgar. Që kur ishte fëmijë ëndërronte të bëhet astronome, por mbaroi pedagogjik në National College of Education, dhe në Chicago Kindergarten College. Tërë jetën asaj nuk i vinte keq që u dedikua fëmijëve. Ndoshta për këtë arsye edhe “Dedikim” është titulli i ekspozitës i kushtuar asaj, ekspozitë kjo e cila mund të shihet në Shtëpinë Muze “Boris Hristov”. Autore është Elena Dragostinova – drejtoreshë e muzeut. Ajo zgjodhi fotografitë nga arkivat dhe tekstet pran tyre, tekste këto të cilat janë nga libra të zonjës Kasabova. Kështu ekspozita përbën një tregim interesat dokumentar për këtë grua të jashtëzakonshme:

Penka Kasabova njihet më tepër si dashuria e madhe e këngëtarit Boris Hristov – rrëfen zonja Dragostinova. – Deri në moshën 92-vjeçare, megjithë edhe nga distanca, ajo dokumentonte të gjitha triumfet, të gjitha momentet dramatike në karrierën botërore të basit Boris Hristov. Ajo grumbullonte të gjitha artikujt i kushtuara atij edhe në shtypin e huaj. Kështu krijoi ditarin e vet, të cilin ia dorëzoi poeteshës Leda Mileva – e bija e vëllait Geo Milev. Lutja e saj ishte, që ditari të botohet mezi pasi edhe njeriu i fundit, i cili mund të ishte i prekur, të ndahej nga jeta. Duke respektuar dëshirën e autores, Leda Mileva botoi ditarin në vitin 2012 me titullin “Dashuri dhe talent”. Pak pas kësaj edhe Leda Mileva u nda nga jeta. Kështu veprën e vazhdoi nusja Violeta Coneva, e cila grumbulloi të gjitha dokumentet, që mbetën pas zonjës Kasabova. Një pjesë prej arkivi i dhuroi Muzeut të Arsimit në qytetin Gabrovo, ndërsa një pjesë tjetër – Shtëpisë Muze “Boris Hristov”. Kështu unë vendosa se është koha të kujtojmë këtë grua. Ministria e Kulturës subvencionoi projektin, të cilin e paraqita. Dhe pasi puna e zonjës Kasabova si pedagoge është një rruzull i tërë ne do të vazhdojmë të pasurojmë ekspozitën.

18-vjeçare me kërkesë të të atit Penka Kasabova mbaroi kursin e mësuesve fëmijësh te Elisaveta Kllark, e bija e misionarit të parë amerikan në Bullgari, themeluese e një Kopshti Amerikan të Fëmijëve tek ne dhe të një shkolle për pedagogë pranë tij. Lidhur me këtë zonja Dragostinova tregon:

Penka Kasabova erdhi në Sofje dhe filloi të studiojë. Pak më vonë vet ajo u bë pedagoge dhe u jepte mësime pedagogëve të ardhshëm. “Dora e cila tund djepin, drejton botën” – ky mendim shprehur shpesh nga zonja Kllark, e frymëzonte gruan e re dhe ajo pa u ndërprerë punonte për forcimin e lidhjes fëmijë – prindër – mësues – shoqëri – shtet. Pasi mbaroi universitetin në SHBA-në ajo u kthye në atdhe dhe filloi të krijonte kopshte fëmijësh në mbarë Bullgarinë. Organizonte edhe kopshte verore për fëmijë në fshatrat. Duke edukuar fëmijët ajo përpiqej të zbulonte dhuntitë e tyre, kështu që ta orientonte te profesione të përshtatshme. E bëri këtë edhe me një jurist të ri – Boris Hristovin. Ajo e tërhoqi në rrethin e vet intelektual dhe e inkurajonte të niste të mësonte në Itali dhe të hiqte dorë nga drejtësia. Shumë momente nga jeta e tyre e përbashkët janë të ruajtura në fotografitë e paraqitura në ekspozitë. Vendosa që emri i saj të jetë “Dedikim”, sepse ajo në të vërtetë i ishte kushtuar dashurisë ndaj Boris Hristovit dhe veprimtarisë pedagogjike. U nda nga jeta vetëm disa muaj parase të mbushte moshën 100 vjeçare. Mbishkrimi i fundit në ekspozitë është një citat prej një libri të saj: “Ëndërrova të bëhem astronome, por zbulova yjet këtu në tokë – fëmijët, ato shpirtra të pastra. Zbulova se prirja ime është të edukoj fëmijë dhe personalitete të ardhshme.

Përgatiti në shqip: Svetllana Dimitrova

Postimet e lidhura
Basi Boris Hristov

Një takim i kujtueshëm mes mbretit Boris III dhe basit Boris Hristov

Gjatë vitit 1942, në mesin e Luftës së Dytë Botërore, një bisedë e shkurtër ndryshon fatin e një juristi të ri, këngëtar në korin e Katedrales “Shën Aleksandër Nevski”. Më 6 janar është takimi i kujtueshëm mes dy burrave me të njëjtin emër – mbreti..

botuar më 14-07-22 1.24.MD
Më shumë nga rubrika

Piktori Vasill Ivanov përjetëson gjithësinë

Shpirti i tij udhëtues shikon botë të panumërta, të cilat i transferon mbi fletën e zezë. Mirëpo, Kozmosi me sekretet e tij të pafundmë zbulohet nën furçën e tij në një kohë, kur arti abstraksionist u përplas me materializmin e ditës. Pushteti..

botuar më 17-08-19 11.20.PD

„Rruga si ritual" frymëzon artistë nga 8 shtete të krijojnë në rezidencën artistike “Shkolla e Vjetër” në fshatin Gorna Lipnica

Gjatë vapës së madhe të gushtit artistë nga tetë shtete u takuan në fshatin Gorna Lipnica, për të prezantuar konceptet e tyre krijuese, të lidhura me “Rrugën si ritual”. Ata takohen në fshatin Gorna Lipnica pranë qytetit Veliko Tërnovo (Bullgari..

botuar më 17-08-09 1.38.MD

Staro Zhelezare – fshati me një “realitet të shtuar artistik”

Në fshatin e qytetit Plovdiv Staro Zhelezare   jeta ka shkuar si në fshatrat e tjera në Bullgari. Në mëngjes njerëzit janë ngritur përpara lindjes së diellit, që të mund të kujdesen për kafshët dhe të nxjerrin lopët dhe dhentë në kullotë. Pas..

botuar më 17-08-05 10.25.PD