Sofia restaurant week e shndërron Sofjen në një destinim të preferuar kulinar

Sallatë e freskët, djathëra të ndryshme, mish gjahu, desertë të shkëlqyeshëm, verë cilësore – kjo është një pjesë e vogël e gjellëve dhe pijeve që mund të shijoni në Sofia restaurant week në kryeqytet. Java e restoranteve është në Bullgari për të dytën herë me radhë dhe po fiton një popullaritet gjithnjë e më të madh, si ndër bullgarët, ashtu dhe ndër të huajit. Më shumë hollësi për javën e shijshme na sollën organizatorët Nikollaj Koev dhe anglezja Kristin Milner, e cila na befasoi me bullgarishten e saj:

СнимкаSivjet ka 17 restorante të reja, të cilat nuk morën pjesë në edicionin e kaluar – 2016. Sivjet interesi është më i madh në krahasim me atë vitin e kaluar. Tashmë kemi 2 mijë rezervime. Marrin pjesë 25 restorante dhe çdo një prej tyre ofron meny të jashtëzakonshme. Mund të përjetoni çaste të shkëlqyera, kurse çmimi është i fiksuar që nga vetë fillimi. Mund të zbuloni lokale të reja si për ju, ashtu dhe për miqtë tuaj” – thanë organizatorët.

СнимкаGjatë edicionit të parë Sofia restaurant week u vizitua nga mbi 6000 veta, të cilat patën mundësi ta vlerësojnë seleksionimin e 25 restoranteve dhe ofertat e tyre interesante. Sivjet mikpritësit do të jenë shefat më të shquar bullgarë – Ivan Mançev, Cvetomir Nikollov, Petër Jankov dhe shumë të tjerë. Në cilat pika të botës do të na çojë Java e restoranteve në Sofje?

Sivjet kemi 4 restorante aziatike, madje të tilla nga India – tregon Kristin Milner. – Kemi restorante nga Lindja e Mesme dhe kuzhinë të ndryshme evropiane. Çdo një restorant ka bërë përpjekje për të na ofruar një meny të shumëllojshme. Këtu nuk mund të shijoni gjellë, të cilat çdo njeri i gatuan gjatë javës. Një prej restoranteve disponon një fermë dhe gjithçka që ofrohet në meny është prodhim i tij. Do të shohim salca dhe erëza origjinale. Ejani dhe provoni. E gjithë kjo nuk mund të shpjegohet me fjalë.

СнимкаSofia restaurant week tërheq shumë të huaj në vendin tonë, kurse në saje të fluturimeve të lira mund të vijnë shumë njerëz nga jashtë. Sipas organizatorëve të aktivitetit, Sofja është gati të bëhet një destinim tërheqës, ja përse:

СнимкаPlani ynë afatgjatë është që ta ndihmojmë Sofjen, që të bëhet një destinim i njohur kulinar. Kjo është shumë e lehtë në saje të fluturimeve të lira nga Evropa. Sigurisht që kjo nuk do të ndodhë menjëherë, por këtë herë kemi angazhuar disa njerëz, të cilët shkruajnë në faqet e tyre personale në internet në gjuhën angleze për udhëtimet e tyre. Faqet e tyre lexohen nga njerëzit në Evropë, të cilët kërkojnë destinime interesante. Mendoj se edicioni tjetër i aktivitetit do të vizitohet nga më shumë të huaj”, komentoi Kristin Milner.

СнимкаNë kuadrin e këtij aktiviteti kulinar zhvillohet një garë mes 10 restoranteve, të cilat konkurrojnë se kush do të përgatisë mishin më të shijshëm prej qengji. Pikërisht mishi i qengjit dhe mishi i gjahut i tërheqin vizituesit e huaj. Çfarë mund të thuhet për të ardhmen?

Vjeshtën do të kthehemi me një fuqi më të madhe” – thotë Nikollaj Koev dhe na bën që të ndiejmë keqardhje se ngjarja vazhdon vetëm një javë. Presim me padurim të shijojmë përsëri gjellët e jashtëzakonshme të Sofia restaurant week.

Përgatiti në shqip: Vesella Mançeva

Fotografi: restaurantweek.bg

Postimet e lidhura

Balkan Bites – tur nëpër larmitë e shijeve kulinare të Sofjes

Që të njohësh Sofjen, nuk është e mjaftueshme vetëm të vizitosh muzetë ose të mësosh historinë e saj mijëvjeçare. Duhet të provosh ushqimin, të vizitosh rrugicat dhe lokalet e vogla dhe për më tepër të gjesh miq të rinj. Një shëtitje e tillë për miqtë e..

botuar më 17-02-08 11.55.PD
Më shumë nga rubrika
Margarita Stojanova

Për qendrën tregtare në qytetin Gabrovo dhe për iniciativën “Traditat e harruara dhe shijet e gjalla”

“Qendra tregtare fshatare”– ndoshta mendoni se kështu quhet ndonjë godine е madhe me shkëlqim pompoz me dyqane dhe ofise në qendrën e ndonjë fshati? Jo! Bëhet fjalë për një pazar-ekspozitë, të quajtur kështu fare me shaka, i cili ka fituar..

botuar më 18-04-22 12.35.MD

Duhet një politikë e posaçme shtetërore për fshatin bullgar, është e mendimit Zëvendëspresidentja Ilijana Jotova

“Shteti është ai, i cili duhet ta ndihmojë fshatin bullgar në zhvillimin e tij, që të mund të mbeten atje njerëzit e rinj” – këtë e bëri të ditur Ilijana Jotova në fshatin e Silistrës Profesori Ishirkov. Atje u zhvillua një ceremoni e posaçme me rastin..

botuar më 18-04-21 11.40.PD

90% nga bullgarët i konsiderojnë produktet malore si të pastra dhe shëndetësore

Më shumë se 60% prej bullgarëve kategorikisht e përkrahin aplikimin e termit për cilësi ”produkt malor”. 27% mendojnë se kjo do të çojë deri në një efekt të mirë, kurse mezi 3% janë kundra, tregon studimi kombëtar sociologjik i agjencisë AFIS. Studimit..

botuar më 18-04-21 10.20.PD