Siguria, buxheti i ri i BE-së dhe Kryesia bullgare e Bashkimit ishin ndër temat kryesore të takimit të deputetëve nga komisionet parlamentare për politikë ekonomike dhe turizëm, mbrojtje dhe çështje evropiane, kontroll të shfrytëzimit të fondeve evropiane me zëvendëskryetarin e Komisionit Evropian Jyrki Katainen, i cili përgjigjet për vendet e punës, rritjen, investimet dhe konkurrueshmërinë. Katainen shpjegoi se vizita e tij në Sofje është pjesë e përpjekjeve për konsolidimin e parlamenteve evropiane rreth të gjitha projekteve dhe ideve evropiane.

Zëvendës presidenti i KE-së shtoi se “Këtej e tutje temat kryesore e Bashkimit janë niveli i sigurisë, e ardhmja e Bashkimit Ekonomik monetar, buxheti BE-së”. Bashkë me komisioneren evropiane nga Bullgaria Maria Gabriel, Kryebashkiaken e Sofjes Jordanka Fandëkova dhe Ministrin e transportit Ivajllo Moskovski, zoti Katainen mori pjesë në ceremoninë e fillimit të ndërtimit të etapës së dytë të linjës së tretë të metrosë së Sofjes.