Në periudhën janar-korrik 2017 eksporti i Bullgarisë për vende të treta është rritur me 18.9 për qind në krahasim me periudhën e njëjtë të vitit të kaluar, kurse importi shënon rritje prej 29.9 për qind, tregojnë të dhënat e Institutit Kombëtar të Statistikave. Partnerët kryesorë të Bullgarisë janë Turqia, Federata Ruse, Kina, Serbia, ish-republika jugosllave Maqedonia dhe Egjipti, të cilat formojnë 51.1 për qind prej eksportit për vende të treta. Vetëm gjatë muajit korrik eksporti i Bullgarisë për vende të treta është rritur me 8.1 për qind në krahasim me muajin e njëjtë të vitit të kaluar. Më i madh është vëllimi i mallrave të importuara nga Federata Ruse, Turqia, Kina dhe Serbia. Vetëm gjatë muajit korrik ai është rritur me 20.1 për qind. Sa i përket tregtisë me BE-në eksporti i Bullgarisë gjatë gjashtë muajve të parë të vitit është rritur me 11.3 për qind. Partnerët kryesorë të vendit janë Gjermania, Italia, Rumania, Greqia, Franca dhe Belgjika, të cilat formojnë 69.0 për qind të eksportit për shtetet-anëtare të BE-së. Importi nga BE-ja shënon rritje prej 12.2 për qind.