Mbase nuk ka bullgar i cili të mos të jetë i dhembshur kur bëhet fjalë për fushatën bamirësisë “Krishtlindjet Bullgare” duke dhuruar të paktën 1 levë me një mesazh të dërguar ose telefonatë. “Krishtlindjet Bullgare” është një iniciativë bamirëse, e cila ka filluar dhe zhvillohet prej 15 vjetëve nën patronazhin e presidentit të Bullgarisë. Qëllimi bazë është të grumbullojë mjete për mjekimin e fëmijëve të sëmurë bullgarë dhe blerjen e aparateve të specializuara për spitalet pediatrike më të vizituara. Sipas traditës fillimi i fushatës të sivjetshme dhuruese qe dhënë më 1 dhjetor nga kreu i shtetit Rumen Radev. Pika kulmore është në ditën e Krishtlindjeve më 25 dhjetor me organizimin e një spektakli bamirësie. Në të marrin pjesë personatë njohur bullgar nga shoubiznesi, aktorë, muzikantë, sportist. Grumbullimi i mjeteve vazhdon deri në orët e fundit të vitit, kurse dhurimet në rrugë bankare vazhdojnë dhe gjatë muajit janar.
Presidenti Radev shpalli fillimin e fushatës së 15 të radhës “Krishtlindjet Bullgare” për periudhën 2017/2018 në Spitalin Universitar “Shën Gjergji” në qytetin Plovdov. ”Zgjodha që ta bëjmë këtu, sepse spitali “Shën Gjergji” në qytetin Plovdiv është një nga spitalet kryesore në vend me një histori mbi 1 shekullore”, tha në përshëndetjen e vet Presidenti. Duke theksuar se në këtë spital shërohen mijëra fëmijë bullgar, presidenti shprehu bindjen se apeli për dhurim i bërë pikërisht atje “do të jetë më i fortë”. Udhëheqësi i shtetit e shfrytëzoi rastin dhe të mund t’i falënderojë mjekët dhe infermieret për jetën e shpëtuar të mijëra fëmijëve.
Gjatë vitit 2017 me paratë e dhuruara 1 766 800 leva përmes fushatës “Krishtlindjet Bullgare” qe blerë pajisje mjekësore për diagnostikim dhe mjekim për 30 spitale. Me 702 900 leva të tjera qenë ndihmuar 474 fëmijë me sëmundje të rënda kronike. Metodat e reja të diagnostikimit lejojnë një zbulim të herët të sëmundjeve, që është një premisë të pakësohet frekuenca e sëmundjeve kronike dhe të metat e rënda të cilat i shoqërojnë ato për tërë jetën.
Paratë e dhuruara shpërndahen nga organizatat tona prijëse të pediatrisë. Një nga fëmijët e fundit, të cilit fushata “Krishtlindjet Bullgare” i ndihmon me sukses është 5 vjeçarja Aleksandra. “Ajo vrapon, luan, buzëqesh, si të gjithë vërsnikët e saj, por është e gjatë vetëm 93 centimetra dhe kjo krijon një varg shqetësimesh për fëmijën”, thotë nëna Neli. Buzëqeshjet në familje janë kthyer kohët fundit, kur me mjetet e dhuruara është blerë dhe është vënë në përdorim një hormon, i cili mungon në organizmin e fëmijës. Për 3 muaj vajza e vogël është rritur me 5 centimetra.
Përgatiti në shqip: Nataniela Vasileva
Pas perëndimit të diellit (ora 17) më 22 prill, fillon Pesah - një nga tre festat më të mëdha për hebrenjtë. Si datë dhe ditë, festa është e ndryshueshme dhe ndodh pas ditës së 14-të të muajit pranveror të Nisanit, duke filluar pas ekuinoksit..
Nisma për mbledhjen e kapakëve prej plastmase e njohur si "Kapakë për të ardhmen" vazhdon të gjenerojë energji pozitive. Prej disa vitesh ajo ka treguar se si një produkt i mbeturinave si kapakët e shisheve plastike mund të bëhet simbol i së..
Fizikë argëtuese me eksperimente nga të gjitha fushat e fizikës, demonstrime të metodave për kërkimin e botëve të reja në hapësirë, kushtet e nevojshme për të quajtur një planet "binjaku i Tokës", një takim me kërkuesit bullgarë të ekzoplaneteve..
Më 31 dhjetor 2023, popullsia e Bullgarisë është 6 445 481 njerëz, ose 1,4% e popullsisë së BE-së, sipas të dhënave të fundit të Institutit Kombëtar..
Një tjetër donacion të madh për rajonin e Prespës së Vogël të Shqipërisë, ku jetojnë edhe njerëz me rrënjë bullgare, bëri Fondacioni “Kujtesa Bullgare”...
Seanca plenare e lamtumirës e Parlamentit të nëntë Evropian (PE) kaloi nën shenjën e fushatës së ardhshme zgjedhore për Parlamentin e radhës”, tha..