Fillon edicioni i tretë i Master of Art

Festivali i Filmave, i cili na takon me të gjitha artet

Hapja zyrtare e Master of Art është më 12 prill, me filmin “Duke vallëzuar Bethovenin” me regjisore Arança Agires. Filmi paraqet përgatitjen e balerinëve dhe muzikantëve - pjesëmarrës në një spektakël unikal në Tokio. Të njëjtën mbrëmje, por dy orë më herët, është “auftakti i festivalit” - projektime të filmit “Letrat nga e ardhmja”, ku protagonisti është Viktor Çuçkov – kompozitor dhe pianist, dhe të filmit “Antoan djo Sent Ekzjuperi – romantiku i fundit”, kushtuar autorit të romanit “Princi i vogël”.

“Duke vallëzuar Bethovenin” dhe “Letrat nga e ardhmja”

Festivali do të vazhdojë deri më 30 prill, kurse sipas traditës Pallati Kombëtar i Kulturës është partneri i aktivitetit. Në program janë përfshirë 77 tituj premierash në Bullgari, 10 prej të cilëve janë bullgarë. Filmat paraqitin emrat e mëdhenj në fushën e arteve dhe kulturës. Disa prej tyre janë Bjarke Ingels, Kent Nagano, Vasilij Kandinski, Mark Shagal, Antoan djo Sent – Ekzjuperi. Lev Tolstoj, Salvador Dali, Maria Kalas, Mstislav Rostropoviç, Mikelanxhelo, Çarli Çaplin, Karlos Saura, Oskar Kokoshka, Ivan Andonov, Petër Popjordanov – Çoço. Që në edicionin e parë të festivalit Najo Ticin i vuri vetes si qëllim të paraqesë dokumentarët më të mirë në fushën muzikës, valleve, arteve figurative, arkitekturës, dizajnit dhe letërsisë. Për herë të parë sivjet në program janë shtuar akoma dy kategori – arti për fëmijë dhe arti kulinar. Festivali tashmë zhvillohet njëkohësisht në tri qytete – në Sofje, Plovdiv dhe Varna. Seleksionimi i veprave, kategoritë, ku janë grupuar, si dhe diapazoni i gjerë prej temash e bëjnë “Master of Art” me të vërtetë një aktivitet unikal jo vetëm për vendin tonë, por në plan botëror.

СнимкаParimisht festivalet kinematografike e takojnë publikun me artin e shtatë. “Master of Art” e takon publikun me të gjitha artet – thotë Najo Ticin. - Ndoshta kjo është një prej veçorive më të rëndësishme të festivalit tonë. Duke i paraqitur të gjitha këto kërkime krijuese dhe këta krijues të mëdhenj, ai është më tepër një festival, i cili na frymëzon, sesa na dëfren. Kurrë nuk është vonë ta prekësh artin dhe nuk ka “vend të rezervuar” për ata, të cilët mund ta bëjnë këtë.  S’ka nevojë detyrimisht të jesh “i ndriçuar nga drita e projektorit”. Për shembull i tillë është rasti në “Lëvizje në tre akte – teatri operistik i Berlinit” – një film për tërë jetën e këtij teatri operistik – duke filluar nga pastruesit, tenorët e shquar në skenën e tij, dirigjentët e këtij vendi special. Vepra tregon për një traditë 275-vjeçare, siç edhe për gjërat më të zakonshme në ndërtesën e teatrit, siç është perdja mbrojtëse nga zjarri. Jam i bindur se secili punëtor skenik në njëfarë mënyre është lidhur me artin e madh – duke mbyllur perden, duke ndryshuar dekoret. Me siguri tërë atmosfera e këtij teatri i pastron shpirtrat e i bën njerëzit më të mirë. Vendimi për krijimin e këtij festivali para tri vitesh ishte provokuar nga fakti se tek ne nuk kishim një festival të tillë. Me dokumentarët e mi jam ftuar në shumë forume ndërkombëtare. Mblodha mjaft përshtypje dhe i thashë vetes se dëshiroj të kemi një forum të tillë edhe në Bullgari. Kur krijova konceptin për festivalin nuk kam ndjekur ndonjë model konkret dhe mendoj se ai nuk ka analog tjetër në botë. Për sa i përket favoritit tim ndër filmat, që do të prezantohen – ai me siguri është “Duke vallëzuar Bethovenin”. Në të mund të shihen artistët e mëdhenj – trupa e baletit të legjendarit Moris Bezhar, ajo e Tokios, Filarmonia e Izraelit me dirigjent Zubin Meta, bashkë me Simfoninë e mrekullueshme numër nëntë të Bethovenit. “Master of Art “zhvillohet gjatë Presidencës bullgare të Këshillit të Bashkimit Evropian dhe pjesa e fundit e Simfonisë së Nëntë është himni i Evropës. Ja se pse e zgjodha këtë film për çeljen e festivalit."


Shfaqjet e filmave mund t’i ndiqni në Sofje në kinematë Lumier, Odeon, Shtëpinë e Kinemasë, Cine Grand në Park Center, Qendrën kulturore G8 dhe Euro Cinema. Në Plovdiv – në  Lucky, Shtëpinë e kinemasë dhe në qytetin bregdetar Varna në Qendrën e Festivaleve dhe Kongreseve, Contemporary Space dhe në Cinema Room.

Përgatiti në shqip: Vesella Mançeva, Jordanka Ivanova

Foto: masterofartfilmfestival.com

Më shumë nga rubrika

Biblioteka Kombëtare shënon 140 vjet nga themelimi i vet

Për bibliotekën Kombëtare “Shenjtorët Kirill dhe Metodij” viti 2018 kaloi nën shenjën e aktiviteteve të ndryshme me rastin e 140-vjetorit nga themelimi i saj. Pika kulmore e festave është sot, kurse gjatë javës së kaluar 2 ngjarje tërhoqën vëmendjen e..

botuar më 18-12-10 4.19.MD

Studentët nga Universiteti i Veliko Tërnovos zbukurojnë mjedisin urban

Gjatë viteve 60 të shekullit të kaluar, personalitete të afirmuar në artet e bukura mbërrijnë në kryeqytetin tonë të lashtë, që ti përkushtohen arsimimit të klasës së parë të studentëve në degët artistike në institutin pedagogjik në qytet...

botuar më 18-12-08 8.00.PD

Sofja – pjesë e nismës “Mbrëmje të Kinemasë Evropiane”

Me shfaqjen e filmit “Kuadrati” të regjisorit Ruben Jostllund, mbajtës të çmimit “Palma e Artë” të festivalit në Kanë 2017, në Sofje realizohet iniciativa e parë “Mbrëmje të Kinemasë Evropiane”. Kjo është një nismë e re e programit “Evropa krijuese –..

botuar më 18-12-07 12.36.MD