Financimi i organizatave fetare përsëri është në rendin e ditës

Foto: dnevnik.bg

Pas mungesës së gjatë nga rendi i ditës i politikanëve bullgarë, çështja e dhimbshme për financimin e organizatave fetare në Bullgari përsëri është aktuale. Grupi parlamentar i partisë në pushtet GERB parashtroi në Kuvend, bashkë me oponentët e vet politikë Partia Socialiste Bullgare dhe Lëvizja për të Drejtat dhe Liritë, një projektligji për çështjet fetare. Projektligji ofron rregulla për subvencionimin shtetëror të organizatave fetare dhe të shkollave religjioze në mënyrë që “të evitohet ndërhyrja e personave, institucioneve dhe shteteve të huaja në çështjet dhe veprimtaritë fetare” (kështu parashtruesit e projektligjit shpjegojnë qëllimin e tij).

Por nga formacioni i nacionalistëve VMRO, i cili është partner i GERB-it në qeveri menjëherë e kritikuan këtë akt të partisë qeverisëse, duke thënë se projektligji është hartuar sipas interesave të Lëvizjes për të Drejtat dhe Liritë (e cila e përfaqëson komunitetin mysliman në Bullgari). Për këtë arsye VMRO-ja ofroi për diskutim publik një projektligj të vet alternativ. Sipas tij veprimtaritë religjioze në territorin e Bullgarisë do të mund të zhvillohen vetëm nga persona, të cilët kanë mbaruar arsimin e tyre në Bullgari, apo në se diplomat e tyre nga jashtë janë njohur nga organet përkatëse shtetërore sipas një radhe të caktuar. Tekste të tilla në draft-ligjin  e GERB-it, Partisë Socialiste dhe Lëvizjes për të Drejtat dhe Liritë mungojnë dhe prandaj nga VMRO-ja mendojnë se ai i shërben interesat e LDL- së. Lideri i VMRO-së Krasimir Karakaçanov, i cili është bashkëkryetari i koalicionit “Patriotët e Bashkuar” dhe zëvendëskryeministër për rendin publik dhe sigurinë, zhvilloi një takim të jashtëzakonshëm nga pikëpamja e stereotipave politike në shtet me kryetaren e Partisë Socialiste Bullgare Kornelija Ninova, për të shpjeguar përparësitë e projektligjit alternativ. Nga ana e vet, bashkëkryetari tjetër i “Patriotëve të Bashkuar”  dhe lideri i partisë “Ataka” Volen Siderov  deklaroi se takimi Karakaçanov – Niniova është i pavlefshëm, sepse nuk është bashkërenduar  me të. Ndoshta konflikti në formacionin e nacionalistëve do të përshkallëzohet edhe më shumë, sepse bashkëkryetari i tretë i patriotëve Valeri Simeonov gjithashtu do ta bisedojë çështjen me socialisten Ninova.

Deri tani shqetësimet nga radikalizimi i grupeve të ndryshme  të shoqërisë dhe përpjekjet për ndryshimin e sjelljes tradicionale të bashkësive të ndryshme fetare tek ne nuk kanë provokuar reagime adekuate legjislative. Shfaqja e komuniteteve fetare, të cilat nuk janë tradicionale për Bullgarinë është në sajë të ndikimeve nga jashtë. Dihet se kjo bëhet me anë të financimeve të jashtme dhe arsimimit të imamëve në shtetet arabe. Por këto veprime deri tani nuk kanë çuar deri në një përgjigje konkrete nga ana e institucioneve përgjegjëse shtetërore. Gjatë marsit të vitit 2016 Radio Bullgaria e komentoi këtë problem në një artikull me titull “Lufta kundër radikalizimit – ende është në sferën e urimeve”. Mënyra, në të cilën kjo temë aktualizohet tani nëpërmjet përpjekjeve për rregullimin e financimit të komuniteteve fetare tregon një angazhim më të gjerë politik me këtë problem. Por pyetja më e rëndësishme është a do të çojë ky angazhim politik deri në vendime konkrete legjislative dhe kur do të bëhet kjo.

Përpiloi: Stoimen Pavllov

Përgatiti në shqip: Jordanka Ivanova

Postimet e lidhura
Vëmendja e shoqërisë duhet të drejtohet te radikalizmi i një pjese të komunitetit rom – një dukuri jotipike deri më sot që zhvillohet nën ndikim të jashtëm (fotografia është nga lagja rome në Pazarxhik).

Lufta kundër radikalizimit – ende është në sferën e urimeve

Nga data 29 deri më 31 mars në Sofje u mbajt Konferenca treditore kushtuar radikalizimit ndër të rinjtë. Përpara kësaj më 14 mars mbi këtë temë u zhvillua një konferencë tjetër me rastin e Ditës Ndërkombëtare të Frankofonisë. Midis dy forumeve, më 23..

botuar më 16-03-31 1.24.MD
Më shumë nga rubrika

Iluministi i sotëm është një njeri me zemër të madh, me durim dhe me vullnet për fitore

Dita e Arsimit dhe Kulturës Bullgare dhe e Shkrimit Sllav – 24 Maji është një nga pak festat tek ne, të cilat nuk na kundërvë në diskutimet e përjetshme midis përkrahësve dhe kundërshtarëve. Është fakt, se asnjë politik deri tashti nuk i ka lejuar..

botuar më 18-05-24 11.25.PD

Detyra më e rëndësishme e mediave publike është të thonë të vërtetën

Financimi i pamjaftueshëm, zhvillimi digjital dhe angazhimi i publikut të ri janë sfidat, para të cilave qëndrojnë të gjitha mediat publike në Evropën Juglindore – u bë e qartë gjatë kohës së forumit të organizuar nga Radioja Kombëtare Bullgare...

botuar më 18-05-21 4.01.MD

Ngjarje me adresë ballkanike

Presidenti i Turqisë zhvilloi një miting paraelektoral në Sarajevë Presidenti i Turqisë Rexhep Tajip Erdogan mbajti në Sarajevë një fjalim paraelektoral para mijëra shtetasve turq, të cilët erdhën posaçërisht për këtë nga shtete të..

botuar më 18-05-21 2.26.MD