Në konferencën e zhvilluar në Sofje për rezultatet nga Presidenca e përfunduar bullgare e Këshillit të Bashkimit Evropian, presidenti Rumen Radev apeloi që komplimentet e lidhura me Presidencën të mos na mashtrojnë dhe të heqim dorë nga “fanfarat lidhur me Ballkanin Perëndimor”. Sipas udhëheqësit të shtetit, Ballkani Perëndimor ka vazhduar të jetë një prioritet për Sofjen, por ka mbetur jashtë fokusit të Evropës së bashkuar.

Ministrja e jashtme Ekaterina Zaharieva  shprehu mospajtim me këtë vlerësim duke rikujtuar se në fillimin të punës të Komisionit Evropian në këtë përbërjeje  zgjerimi i Bashkimit nuk qe prioritet, kurse pas Presidencës Bullgare tanimë është një nga temat më të rëndësishme. Në këtë kontekst ajo deklaroi se Bullgaria ka arritur ta bëjë prioritetin e saj kombëtar për integrimin e Ballkanit Perëndimor pjesë e prioriteve të përgjithshme evropiane.