Arkitekti Mirjanov: Patriotizmi është që të mbetemi në vendin tonë, dhe jo të bëjmë fotografi me flamur në dorë

Autor:

Arkitekti i ri Pllamen Mirjanov zbulon pasuritë e vendit tonë në filma të shkurtër, në mënyrë që të shtyjë më shumë bullgarë ta duan Bullgarinë, duke u njohur me pasuritë e saj natyrore, traditat shumëshekullore dhe arritjet kulturore.

“Alfabeti i shenjtë”, “Magjia e trëndafilit bullgar”, “Fryma e flamurit” – këto janë grimca të vogla nga piktura e madhe, të cilën Pllamen Mirjanovi e pikturon përmes fushatës kombëtare “Shtëpia jonë është Bullgaria”. Shumë shpejt ajo do të tregohet dhe në një film me metrazh të plotë. Filmi jo thjesht që do të tregojë për të kaluarën tonë të lavdishme, për heronjtë të cilët kanë rënë për lirinë dhe për bukuritë natyrore, por do të propozojë plan se si njerëzit të bëhen më të suksesshëm, më të shëndetshëm dhe më të mirë.


Ky film gërsheton episode të ndryshme me tema për Bullgarinë – trëndafilat, manastiret, vallet /bile dhe ajo e akullt me rastin e 6 janarit/ kuzhina, bimët, por po kështu dhe fryma bullgare” – tregon Pllamen Mirjanov.

Снимка

Çdo gjë vjen nga dëshira ime e madhe t'u drejtoj një mesazh bullgarëve, që të punojnë më shumë mbi potencialin e vet, me qenë se ne kemi një gjen mjaft special – jemi popull shumë i lashtë, forca e rrënjave tona është shumë e madhe. Ky mesash për mua është më i vlefshëm, se sa vetëm të ilustrojmë piktura, pavarësisht se ne do të vëmë në pah dhe pasuritë natyrore, kulturën dhe traditat. Në film do të parashtrojmë pikëpamjet tona për ushqimin e mirë dhe për frymëmarrjen e drejtë , sepse suksesi i njeriut është i lidhur edhe me pastërtinë e mendimeve, të trupit dhe të ndjenjave.

Снимка

Sipas arkitektit bullgarët do të mund t'i zhvillojnë aftësitë e veta, në qoftë se lidhen me vendet energjetike në natyrë dhe në qoftë se më shpesh i drejtohen fesë. "Natyra na bën më të fortë, por para së gjithësh ajo është një krijesë e Zotit, prandaj duhet t'i drejtohemi Krijuesit në vend të parë", shton ai. 

Снимка

Vendet më speciale për të janë Liqenet e Rilës dhe ujëvarat magjepsëse sipas fjalëve të tij në fshatin Ovçarci rreth Separeva Banjës, në të cilat një garues automobilistik i plagosur rëndë nga Franca ka marrë shërim çudibërës, pasi 21 ditë është larë në to dhe ka fjetur në fshat. Me qenë se Pllamen Mirjanov shpesh është në rrugë, duke e bindur veten se çfarë parajse tokësore na është dhuruar nga Zoti, ai emocionohet dhe nga kauzat ekologjike, si ndërtimi në mal dhe në det, ndotja në natyrë, prerja e pyjeve.

Снимка

Edhe sikur diçka të ndërtohet në ndonjë vend të lejuar nga shteti, ajo duhet të jetë në harmoni absolute me natyrën, ta zbukurojë, – është i bindur ai. Mund të shihen gabime shumë të mëdha, shumë krime - në qytetet tona, rreth pellgjeve të ujit si Pançarevo për shembull. Teleferikët për mua nuk janë diçka e keqe, por ata nuk duhet të jenë pjesë e pandarë e ndërtimit të hoteleve të reja. Duhet të ketë po kështu plane të qarta për drejtimin e parqeve kombëtare dhe më shumë rojë, e cila tani mungon. Prandaj do të financojmë një projekt, sipas të cilit te çdo një nga Liqenet e Rilës të ketë nga një rojë.

Снимка

Atdhedashuria do të thotë të ruajmë çdo gjë emocionuese, të cilën e kemi marrë si trashëgimi nga paraardhësit tanë, ose të japim më të mirën nga vetja jonë ditë pas dite. Por a ka e gjithë kjo përmasë moderne?


Patriotizmi modern është të mbetemi në Bullgari – diçka shumë e thjeshtë, në vend që të rrahim gjoksin dhe të bëjmë foto me flamurin – mendon Pllamen Mirjanov. – Sigurisht që kjo është gjë e mirë, por në raste feste. Ne duhet të fusim energjinë tonë në shndërrimin e atdheut në një vend më të mirë për të jetuar, duke kontribuar me çfarë të mundemi dhe duke përballuar shumë pengesa në plan social dhe politik. Njerëzit e rinj për shembull mund zgjojnë imagjinatën e vet, sepse ajo është më e vlefshmja – në Bullgari janë krijuar kaq pak gjëra dhe ka kaq shumë mundësi për projekte dhe iniciativa të reja.

Снимка

Një prej tyre është lidhur me restaurimin e çezmave të vjetra të kryeqytetit – mbas kishës ruse, në kopshtin e mbretit Boris, përpara kishës “Sveti Sedmoçislenici” /Kirill dhe Metodij dhe 7 dishepujt e tyre/. Prandaj të bashkuarit rreth fushatës “Shtëpia jonë është Bullgaria” do të angazhojnë studentët nga Universiteti i Arkitekturës, Ndërtimit dhe Gjeodezisë me rimëkëmbjen e tyre dhe do të përkrahin nga ana financiare projektet e tyre më të mira.

Përgatiti në shqip: Nataniela Vasileva

Foto: arkiv personal

Më shumë nga rubrika

430 krijime letrare dhe artistike të bullgarëve të vegjël nga jashtë ringjallin kujtimin fisnor në Veliki Presllav

Më 19 prill do të zhvillohet ceremonia e dorëzimit të dekoratave nga edicioni i parë i Forumit Ndërkombëtar “Veliki Presllav – Historia e Një Populli të Tërë” i cili zhvillohet nën patronazhin e Nënpresidentes Iljana Jotova. Në të me krijimtarinë e vet..

botuar më 19-04-14 11.15.PD
Rexhep Hoti, Magdalena Dimitrova dhe prof. Anton Panchev gjatë promovimit të librit në Universitetin e Sofjes.

“Ndëshkimi i Kujtimeve” i Rexhep Hotit u promovua në gjuhën bullgare

“Jam i befasuar me praninë e shqipes në këtë universitet, me studentët dhe profesorët të cilët me kaq përkushtim i thellojnë studimet mbi albanologjinë dhe kulturën shqiptare në përgjithësi. Përkthimi i veprës sime ‘Ndëshkimi i Kujtimeve’, nuk..

botuar më 19-04-11 11.54.PD
Millço Leviev dhe Vasill Kazanxhiev

Ekspozita “Muzika në objektiv” e Vasillka Balevskës prezanton një histori 50 vjeçare

E njohim. Të paktën që të gjithë ne,  të cilët jemi interpretues, gazetarë muzikorë dhe adhurues të muzikës. Që prej dekadave nuk ka ndonjë koncert të rëndësishëm, të cilin ajo të mos e ketë regjistruar në fotografitë e saj, të cilat i shikojmë kudo...

botuar më 19-04-09 12.10.MD