Parlamenti do të votojë ndryshimet në qeveri ditën e enjte. Këtë e parashikon programi i deputetëve për këtë javë. Në tri projektvendimet për ndryshime personale në Këshillin e Ministrave Kryeministri Bojko Borisov i propozon Kuvendit Popullor për të pushuar Nikollaj Nankovin nga posti i Ministrit të Zhvillimit Regjional dhe Urbanizimit dhe ta zgjedhë Petja Avramova në vend të tij. U propozua gjithashtu që Ivajllo Moskovski të pushohet nga posti i Ministrit të Transportit dhe vendin e tij ta zërë Rosen Zheljazkov, ndërsa vendi i Ministrit të deritanishëm të Punëve të Brendshme të zihet nga kryesekretari i deritanishëm i MPB-së Mlladen Marinov. Ofertat janë bërë veçmas. Kështu të paktën dy prej ministrave do të ndërrohen ditën e enjte. Partia Socialiste Bullgare shpalli se do të votojë kategorikisht “kundër”.