Big bendi i Radios Kombëtare Bullgare dhe dirigjenti i tij Antoni Donçev do të hapin stinën e vet të re të koncerteve më 4 tetor, në studion numër 1 të mediаs sonë. Programi i është kushtuar trumpetistit të madh dhe kompozitor Majlls Dejvis (Miles Davis), i cili deri më sot është idhull për shumë muzikantë të xhazit. Solistët janë 3 trumpetistë të shkëlqyer bullgarë – Rosen Zahariev-Roko, Mihaill Josifov dhe Venci Bllagoev. Hollësira për këtë koncert, si dhe për ngjarjet e tjera të cilat do të zhvillohen, mësojmë nga Antoni Donçev:

“Gjatë stinës së re kemi përgatitur një muzikë shumë emocionuese, muzikë, të cilën sipas nesh publiku e meriton. Shpesh shija e publikut tonë nënvleftësohet. Mendohet se duhet t’i ofrohet diçka të lehtë, “dëfryese”. Ne na pëlqen balancimi – përveç të sjellë një kënaqësi, muzika mund ta detyrojë njeriun të mendojë, ajo mund ta prekë thellë, ose ta frymëzojë. Fillojmë me një program, të cilin e kam quajtur Electric Miles. Ai përfshin këngë nga periudha e fundit e Majlls Dejvisit, kur ai ekzekuton bashkë me interpretues, të cilët krijojnë një muzikë “më komunikatave” dhe njëkohësisht me këtë mjaft “të vërtetë” dhe “të madhe”. Do të ketë dy koncerte, të cilat do t’u ndajnë një nderim të merituar kolegëve tanë. Mjerisht, njëri prej tyre nuk është më midis nesh. Bëhet fjalë për kompozitorin Aleksandër Brëzicov, i cili ka punuar vite të tëra me radhë për Big Band-in e Radios Kombëtare Bullgare. Ajo të cilën do ta interpretojmë është një pjesë e vogël nga krijimtaria e tij, ai ka këngë dhe pjesa të papërsëritshme. I përkushtojmë dhe një koncert dhe flautistit Simeon Shterevit-Banana. Ai është muzikanti i vetëm bullgar, i cili ka marrë pjesë në klasifikimet e mëdha të xhazit. Ne pranojmë si një detyrim t’i nderojmë personalitete të tilla dhe të punojmë me ta gjithmonë, kur është e mundur. Në fund të vitit planifikojmë një koncert me rastin e Krishtlindjeve me muzikë të shkëlqyer dhe solistë Petër Sallçev, Vasill Petrov, “Radiofëmijët”... Për herë të parë në afishen tonë është një program i titulluar “Xhaz në klasikë”. Shpresoj që të bëhet një varg i tërë, me qenë se tema është shumë interesante – shumë nga kompozitorët e mëdhenj të shekullit të 20-të fare hapur i drejtohen xhazit në disa nga veprat e veta.”

Në koncertin “Xhazi në klasikë” solistët janë klarinetisti nga Orkestra Simfonike e Radios Kombëtare Bullgare Danço Radevski dhe violonçelisti i ri Atanas Krëstev. Do të vazhdojë dhe vargu “Big Band - Akademia e Xhazit” e cila u jep rrugë interpretuesve të rinj të kësaj muzike. Muzikantët e xhazit presin shfaqje të përbashkëta me miq nga jashtë, por tani për tani i ruajnë si sekret emrat e tyre.

“Bendi ynë do të ekzekutojë dhe me muzikantin tonë të madh Angjell Zaberski-biri – thotë akoma Antoni Donçev. Siç dihet, ai ka hyrë shumë thellë në muzikën për Big Band, kjo është diçka shumë e dashur për të. Dua ta ftoj atë si dirigjent mik – të realizojë një projekt me bendin tonë dhe të interpretojë muzikën e vet.”

Përgatiti në shqip: Nataniela Vasileva

Foto: arkiv