Për herë të dytë u dekoruan “Nxënësit e shkëlqyer të Bullgarisë”

Ministri Krasimir Vëllçev: “Shembujt pozitivë në sistemin e arsimit janë shumë dhe duhet t’i tregojmë”

Autor:
Foto: BTA

Krahas natyrës së jashtëzakonshme, zakoneve, historisë mijëvjeçare dhe kulturës së pasur Bullgaria shpeshherë gjendet në mediat botërore edhe për shkak të sukseseve të fëmijëve dhe adoleshentëve të saj në garat dhe olimpiadat ndërkombëtare. Pothuajse çdo muaj mësojmë për medaljen e radhës, ose për shpikjen me radhë të ndonjë shkencëtari të ri bullgar, ose madje të ndonjë nxënësi, shpikje kjo që ka potencialin të ndryshojë, ose të përmirësojë shkencën dhe mjedisin rreth nesh, ose të sigurojë ndonjë shërbim në hapësirën tonë virtuale dhe reale. Që ta arrijë këtë çdo një talent i ri ka nevojë për përkrahjen e familjes dhe të mësuesve të vet. Konkurrenca që përballojnë talentet bullgare në forumet ndërkombëtare në të vërtetë bën përshtypje të madhe, por çdo një çmim i fituar kalon në plan të dytë në sfondin e dekoratave në atdhe. Puna dhe përpjekjet e të rinjve u bëjnë përshtypje, si shoqërisë, ashtu dhe mediave. Këtë e vërteton edhe edicioni i dytë i fushatës së iniciuar nga e përditshmja kombëtare “Nxënësit e shkëlqyer të Bullgarisë”.

Që të bëhen anëtarë të “klubit të suksesit” kandidatët duhet të fitojnë medalje në gara shkencore ndërkombëtare, ose të jenë të parët në provimet shtetërore pas mbarimit të klasës së 12. Një pjesë e dekoratave sivjet iu dorëzuan nxënësve për shkak të arritjeve të tyre në fushën e kimisë, fizikës dhe matematikës, por nuk mungonin befasime. Një befasim i tillë ishte skuadra e Llora Toskovës nga Gjimnazi francez dhe e Stanislav Makreevit, nxënës në klasën e shtatë në Shkollën e 18 të kryeqytetit, të cilët u dekoruan për shkak të paraqitjes së tyre të suksesshme në garën e zotërimit të gjuhës kineze. Suksesi i tyre i vendosi në vend të parë në Evropë dhe në vend të dytë në botë, pas Koresë së Veriut. Ty dy nxënësit fituan kundër 112 skuadrave nga 99 shtete. Mik special në ceremoninë e dorëzimit të dekoratave ishte Ministri i Arsimit dhe Shkencës Krasimir Vëllçev, i cili deklaroi se me prioritet për Ministrinë janë politikat e lidhura me përmirësimin e mjedisit arsimor dhe ndihmës së përgatitjes dhe pjesëmarrjes në olimpiada:

Jam i lumtur jo vetëm sepse po shoh kaq shumë nxënës të shkëlqyer, por edhe për faktin se sistemi i arsimit është vendi, ku ndoshta çdo ditë ndodhin gjëra pozitive. Ne kemi nevojë t’i tregojmë, t’i theksojmë dhe të përkrahim çdo një arritje të fëmijëve. Vetëm së bashku – mësuesit, prindërit, institucionet publike, mediat dhe objektet ekonomike, mund të bëjmë kështu qe të kemi një të ardhme më të mirë. Një prej gjërave që harrojmë është se sa të rëndësishëm janë nxënësit. Gjatë një-dy shekujve të kaluar çdo një brez ka jetuar më mirë dhe ka qenë më i arsimuar. Bota është zhvilluar, ndërsa në thelbin e saj kanë qenë zhvillimi ekonomik, kapitali i njeriut dhe zhvillimi social. E gjithë kjo ka ndodhur në saje të mësuesve. Këta njerëz, të cilët nganjëherë i harrojmë, janë heronjtë e heshtur në dhomat e mësimit dhe njerëzit, të cilët do të frymëzojnë brezin e ardhshëm të nxënësve të shkëlqyer.

Ndër nxënësit e shkëlqyet kishte një talent të pazakonshëm për këtë iniciativë – bëhet fjalë për muzikanten e parë të emëruar me organikë në Operën shtetërore të Stara Zagorës, e cila ende është nxënëse në Shkollën Kombëtare të Arteve Muzikore dhe Skenike “Hristina Morfova”. Si ka arritur ta plotësojë ëndrrën e vet dhe çfarë është ëndrra tjetër e vajzës, ja se çfarë na tha violinistja Dimitrinka Panajotova:

Foto: arkiv personal

Një ditë të bukur më morën në telefon nga opera. Drejtori Ognjan Draganov më kërkoi, që të nënshkruajmë një kontratë dhe unë e pranova këtë mundësi me kënaqësi të madhe. Para kësaj isha anëtare e Orkestrës Simfonike të Dhomës Haskovo, pas kësaj më ftuan në operë dhe që nga atëherë jam muzikante me pagë të përhershme. Ëndrra ime është që të mbetem në Bullgari dhe të zhvillohem këtu.”

Përgatiti në shqip: Vesella Mançeva

Më shumë nga rubrika

Shkolla bullgare në Lisbonë do të presë Pashkën me vezë të lyera, mish të pjekur në hell dhe kozunak

Të njohësh atdheun tënd përmes fjalëve të para të shqiptuara në mënyrë jo shumë bindëse, kujtimeve të huaja dhe mësimeve dhe pas kësaj me një laps imagjinar ta pikturosh në ngjyra. Shkolla e mijëra fëmijëve bullgarë nëpër botë duket frymëzuese dhe bile..

botuar më 19-04-25 10.25.PD

Vezët jo tradicionale të Pashkës të krijuara nga mjeshtret bullgare

Vezët janë një simbol i festës së ndritshme të Pashkës. Teknologjitë e dikurshme tradicionale të lyerjes së vezëve po rilindin, paraqiten dhe të reja, kurse duart e shkathtë të mjeshtreve bullgare krijojnë në mënyrë të palodhur, duke i kthyer vezët në..

botuar më 19-04-25 9.15.PD

“Të mbeteni të gjallë” – një libër me një mesazh drejtuar të rinjve se lëvizja me makinë është përgjegjësi dhe jo dëfrim

Policia rrugore po disponon një statistikë për të vrarët dhe të plagosurit nëpër rrugët bullgare që nga viti 1951 e këtej. Atëherë janë vrarë 202 veta, kurse 790 kanë qenë të plagosur. Deri në vitin 1990 të dhënat për të vrarët shtohen vazhdimisht dhe..

botuar më 19-04-23 11.40.PD