Të rinjtë nuk marrin në konsideratë, se kur i bëjnë vetes fotografi ose video, realizojnë një produkt krijues. Që me krijimin ai kthehet në një objekt të së drejtës së autorit. Tema për pronën intelektuale dhe për të drejtën të fitosh nga vepra të veta tek ne nuk ka popullaritet dhe është lënë pas dore nga shoqëria. Mirëpo, në fakt ka rëndësi të madhe. Për të përqendruar vëmendjen mbi këtë problem, këngëtari dhe themelues i duetit “Avenju” Velizar Sokollov – Zaki, realizoi filmin dokumentar “Të drejtat e autorti: Edhe ti je autor! Mund të fitosh nga kjo!”

Filmi u financua nga Zyra e pronës intelektuale e BE-së  (EUIPO) dhe në kuadrin e 15 minutave tregon se çfarë do të ndodhë me njerëzit në të ardhmen jo aq të largët, kur do të jenë të përfituar nga të gjitha dobitë e jetës dhe do të jenë indiferentë. Atëherë jeta e tyre do të kalojë në një mërzi të madhe. Regjisore e filmit të xhiruar në kryeqytetin Sofje dhe në rajonin Atolluka në afërsi të qytetit Bracigovo është Borisllava Dimova, skenaristë janë Levena Fillçeva dhe Ilija Kajnakçiev, kostumet dhe makijazhi janë vepër të Vesella Vëllçinova-Toshkova.