Pas suksesit të spektaklit madhështor “Sinatra: Vegas” në fund të vitit të kaluar, këngëtari pop dhe xhaz Vasill Petrov ka përgatitur një vazhdim të shkëlqyer.
Më 12 nëntor skena e sallës numër 1 të Pallatin Kombëtar të Kulturës përsëri do të kthehet në një xhaz-klub elegant në stilin e Las Vegasit nga vitet 60 të shekullit të kaluar. Në program, këngëtari Vasill Petrov prezanton aranzhime të veta të këngëve nga repertori i Frank Sinatrës legjendar. Mysafir i posaçëm në skenë do të jetë ylli amerikan i blusit dhe soul Brus Xhonsën, si dhe 2 interpretues bullgarë – këngëtari pop Orlin Pavllov dhe këngëtarja e re Mihaella Fileva. Marrin pjesë po kështu dhe muzikantë të njohur të xhazit, të bashkuar në “All Stars Big Bend”, nën drejtimin e Antoni Donçevit, si dhe një balet në kostume shumë të bukura e madhështore skenike.
“Spektaklet në Las Vegas nga ajo kohë janë jo vetëm të shkëlqyera dhe joshëse, por dhe shumë pompoze – një oqean i tërë prej puplave, gurëve, ornamentikë, dantellava, pajetave. Spektakli “Sinatra: Vegas -2” do të rikrijojë frymën e atyre viteve dhe do ta bëjë me shumë stil” – pohon Kremena Hallvaxhian, autore e kostumeve. Koreografja e spektaklit është Aleks Eneva, regjisorë janë Rumen Grigorov dhe Aleks Bornaz.
“Muzika është një përzierje shumë emocionuese prej suingu, xhazi dhe bosa nova” – tregon producentja Margarita Tosheva. E gjithë ideja për këtë projekt është e saja. Ajo tregon po kështu se Vasill Petrovi ka marrë helikopter me qira për koncertin e vet në Pallatin Kombëtar të Kulturës dhe ka marrë mësimet e tij të para për pilotim, që të mund të befasojë publikun me një fillim atraktiv të spektaklit.
Në spektaklin e vjetshëm “Sinatra bullgar” ai mbërriti me një veturë retro, i veshur si Xhejms Bond, nën tingujt e muzikës së njohur nga filmi “Agent 007”. Koncerti më 12 nëntor do të fillojë me melodi nga filmi “Misioni i pamundur”, Vasill Petrovi do të jetë agjenti i posaçëm, i cili ka marrë një mision special. Por, a do të arrijë në kohë /përmes ajrit/ për takimin e vet me publikun–do ta kuptojmë.
Përpiloi: Allbena Bezovska
Përgatiti në shqip: Nataniela Vasileva
Në prag të pranverës dy nga këngëtaret e njohura bashkëkohore bullgare - Mihaella Fileva dhe Dara Ekimova - u prezantojnë fansave të tyre një këngë të përbashkët. Përveç faktit që zërat e tyre tingëllojnë së bashku për herë të parë, ato janë edhe..
Më 7 mars shënojmë 80-vjetorin e lindjes së një prej klarinetistëve më të njohur të muzikës popullore bullgare - Nikolla Iliev. I lindur më 7 mars 1944 në fshatin Konush të rajonit të qytetit Asenovgrad, ai u rrit në një familje të përkushtuar ndaj..
Pas një pauze dhjetëvjeçare, ylli i estradës bullgare, Lili Ivanova, do të mbajë sërish një koncert të madh në Bruksel. Ngjarja është më 6 mars në orën 20:00 me orën lokale në sallën legjendare "Flagey" të kryeqytetit belg dhe është nën patronazhin e..