Këshilli i Ministrave miratoi një vendim të Ministrisë së Kulturës për t’u bashkuar me Rrjetin Evropian për Letërsi dhe Libra TRADUKI. Ministria do të nënshkruajë një aneks pranë Marrëveshjes bazë për projektin për periudhën 1 janar 2019 – 31 dhjetor 2020. TRADUKI del jashtë kornizës së zakonshme të programeve për këmbim letrar në nivelin e BE-së. Në projekt, krahas ministrive të kulturës të Austrisë, Gjermanisë etj., janë përfshirë gjithashtu vende më të vogla, si Shqipëria, Kosova, Bosnja e Hercegovina, Lihtenshtajni, Republika e Maqedonisë, Mali i Zi. Gjatë dhjetë viteve të fundit botuesit dhe përkthyesit bullgarë kanë marrë përkrahje financiare nga programi, por pjesëmarrja e tyre atje ka qenë sporadike. Aderimi do ta ndihmojë pjesëmarrjen e botuesve bullgarë të librave në panairet ndërkombëtare të librit dhe do të forcojë popullarizimin e autorëve dhe të veprave bullgare nëpërmjet përkthimit në gjuhë të ndryshme.