Ivajllo Vasilev me çmim të parë nga konkursi “Shtellkunçik” në Moskë

Foto: dberbatov.org

Ivajlloja është vetëm 11 vjeç, por tashmë ka grumbulluar shumë përvojë muzikore, e cila shtohet me çdo një dekoratë të ardhshme. Duart e këtij djali “lëvrijnë” – thotë për të bullgari Vlladimir Vlladimirov, pedagog në piano në qytetin Madrid. Ivajlloja është virtuoz i madh i pianos, përveç kësaj kompozon muzikë për piano dhe violinë. Shumë pak fëmijë në këtë moshë  luajnë preludet e Rahmaninovit, veprat e Bahut dhe etydet e Debussy. Pavarësisht nga mosha e tij e vogël, ai është një  personalitet i hapur gjerësisht.

Ivajlloja është nxënës në Shkollën Kombëtare Muzikore “Ljubomir Pipkov” në Sofje, në klasën e Emilia Kanevës. Ajo është një pedagoge e njohur, që ka formuar shumë pianistë të shkëlqyer bullgarë, mbajtës të shumë  dekoratave në konkurse prestigjioze.


Para disa ditëve Ivajlloja u klasifikua në vendin e parë në garën ndërkombëtare “Shtellkunçik” /”Thyerësja e lajthive”/ për fëmijë deri më 14 vjeç. Konkursi televiziv është krijuar nga kanali televiziv rus “Kultura” gjatë vitit 2000 dhe që nga atëherë zhvillohet çdo vit. Sipas rregullores, fëmijët kalojnë nëpër tri rrethe. Vetë finali është me shoqërim të orkestrës, e cila sivjet është nën dirigjimin e Misha Damevit, i cili ishte dhe anëtar i jurisë. Ivajllo Vasilev ekzekutoi pjesën e tretë  të Koncertit numër 12 në la major të Mocartit. Të njëjtën vepër ai do të ekzekutojë dhe gjatë muajit prill, bashkë me Orkestrën Simfonike të Radios Kombëtare Bullgare.

Kryetari i jurisë në piano ishte pianisti i njohur rus dhe pedagog Dmitrij Bashkirov, kurse Ivajlloja ka qenë një nga finalistët më të vegjël. Dekorata e tij e mëparshme ishte gjatë vitit 2017 në edicionin e 7 të Konkursit Ndërkombëtar për Piano “Anna Artobolevskaja”/ një pianiste dhe pedagoge ruse/ në Moskë, ku përsëri fitoi vendin e parë. Atëherë bullgari i vogël interpretoi 8 vepra, kurse në koncertin përfundimtar e pushtoi publikun me “Lojëra fëmijërore” të Modest Musorgskit. E thirrën në bis dhe ai pati mundësinë të paraqesë interpretimin e vet të “Tokatina – kolazh” nga “Fletorja Polifonike” e Rodion Shçedrin. Në Moskë pianisti /atëherë 10 vjeç/ u njoh me “ 6 momente muzikore” të Rahmaninovit.

Bullgari i talentuar filloi të mësojë të katërtin prej tyre dhe e pëlqeu shumë. Pas kësaj u paraqit me të në konkursin De Bach au jazz /nga Bahu deri tek Xhazi/ në Greqi, në të cilin garojnë pianistë deri në moshën 25 vjeçe, por dekorata e madhe është një për të gjitha grupet e moshës. Dhe e fitoi Ivajlloja.


Në një nga librat e fundit të muzikës për shkollat bullgare Ivajlloja u tregon nxënësve të klasës së parë për pianon si instrument muzikor, kurse në variantin elektronik janë të përfshira interpretime të tij. Ai shpreson të hyjë në librat e muzikës dhe si kompozitor me disa nga veprat e tij – “Fshati”, “Skerco” e të tjera. Tanimë ka realizuar ëndrrën e tij të mund të luajë në sallën e kryeqytetit “Bullgaria”. Do të donte shumë që një ditë të arrijë dhe deri tek Royal Allbert Hall. Me paratë nga dekoratat dhe bursat të cilat i fiton, djali i talentuar mendon të blejë një pianoforte me bisht, që të mund të ekzekutojë muzikë dhe në shtëpi.

Përgatiti në shqip: Nataniela Vasileva

Më shumë nga rubrika

“Misteri i zërave bullgarë” prezanton projektin e vet të fundit në turneun evropian

Më 30 maj në Francë, në edicionin e 38 të festivalit të xhazit Jazz Sous Les Pommiers, filloi turneu evropian i radhës i “Misterit të zërave bullgarë”. Kori popullor i njohur i grave prezanton albumin e vet më të ri “BuuÇiiMish”, i krijuar gjatë majit të..

botuar më 19-05-31 4.26.MD
Pllamena Girginova dhe Mihaill Mihajllov

Najden Todorov: Kemi një brez të ri, i cili bën çudira

Rreth 30 të rinj të talentuar , përfaqësues të 6 vendeve, matën forca në edicionin e tretë të konkursit “Gena Dimitrova” në qytetin Pleven. I krijuar nga këngëtarja jonë e madhe e operës, gara qe rivendosur pas një ndërprerjeje 10 vjeçare. “ Jam i..

botuar më 19-05-28 3.27.MD

Breza të ndryshëm të yjeve bullgare në “Javët muzikore të Sofjes”

Festivali i pesëdhjetë ndërkombëtar “Javët muzikore të Sofjes” do t’u japë skenë muzikantëve të shumtë bullgarë, të cilët jetojnë jashtë shtetit dhe tanimë janë të afirmuar nëpër botë, por dhe të rinjve të cilët aktualisht fillojnë karrierën e tyre...

botuar më 19-05-22 3.59.MD