Cvetina Petkova merr frymë lirshëm në mes të nomadëve digjitalë

Autor:

Përpara 20 vjetëve një botim me titullin pak të çuditshëm “Nomadi digjital” u shfaq në tregun letrar bullgar, por sikur nuk provokoi interes të madh. Por, autorët e tij Tsugio Makimoto dhe David Manners dolën profetët e një dukurie të sapolindur – gjithnjë e më shumë njerëz të rinj ikin nga mjedisi korporativ, që të mund të jetojnë sipas rregullave të tyre personale – në një botë idilike, në të cilën marrin frymë lirshëm, sepse pamjet janë të bukura, ajri dhe ushqimi janë të pastër, bashkëmendimtarët janë rreth teje, kurse puna është shumë afër – atje ku është laptopi.

Në moshën 26 vjeçe Cvetina Petkova heq dorë nga karriera e avokatit, për të provuar fytyrën tjetër të skllavërisë moderne, siç e quan ajo – si stjuardesë në një linjë të madhe ajrore në Dubai. 6 vjet më vonë gruaja e re bashkon rreth vetes profesionalistë me karakter liridashës – inxhinierë, arkitektë, ekspertë socialë dhe të medieve, me të cilët ndan planet e veta të transformojë shtëpi të braktisura fshatare në hapësira pune për „nomadë digjitalë” nga e gjithë bota.

Në fillim “shtabi” i saj të parë u bë shtëpia e gjyshes dhe gjyshit në zonën e vilave Zelin në rajonin e qytetit Botevgrad, që ku punonte si konsulente juridike dhe zhvillonte projektin e vet “EdinEnie nomade”. Bashkë me njerëzit, me të cilët jetonte në një vilë ajo fillimisht i dha një pamje të re oborrit – me shumë bimë, lule, perime, kurse pas kësaj ndryshoi dhe fasadën e shtëpisë. Atje filloi të organizonte ngjarjet e para – jogë, mësime të frëngjishtes sipas metodës së sugestopedisë, seminare për gatim të shëndetshëm.

Në të ardhmen do të donim të organizonim ngjarje sa i përket rritjes profesionale, në të cilat të ftojmë mentorë dhe njerëz me biznes të suksesshëm – tregon për planet e veta ajo. Qëllimi është që njerëzit të fillojnë të besojnë në mundësitë e veta, të zhvillohen në profesione të pavarura dhe të fitojnë prej tyre. Dhe kur ata punojnë tek ne nga laptopët e tyre, pas punës së mirë të mund të çlodhen në mënyrë cilësore – në mbrëmje të dëgjojnë xhaz “live”, të pinë nga një gotë verë dhe të mund të shijojnë jetën – me shëtitje në mal, hipizëm, me kërcime bungee (bungee jumping) nga një balonë.

Aktualisht Cvetina bashkë me miqtë e vet planifikon zhvillimin e fushatave për financim grupor dhe shikon me guxim drejt një projekti tjetër të madh.

Hapi ynë tjetër është të krijojmë një fshat global, në zhvillimin e të cilit të marrin pjesë investues, kompani ose persona fizikë – tregon ajo. Aty ata do të mund të blejnë prona të paluajtshme, të cilat do t’i përdorin për një periudhë të caktuar të vitit, kurse gjatë kohës tjetër ne do t’i menaxhojmë duke tërhequr në to njerëz nga e gjithë bota. Për projektin “Global Village” zgjodhëm fshatin Bozhenica –  15 kilometra larg Zelinit, meqenëse është afër autostradës, që çon deri në aeroportin më të afërt. Njoh njerëz me projekte të shkëlqyera për turizëm fshatar, por ato mjerisht janë të lidhura me vende të paarritshme dhe për realizimin e këtyre projekteve duhet të ndërtohen rrugë, shkolla, etj. Por ne vështirë mund të përballojmë situatën lidhur me ndonjë vend të tillë pa infrastrukturë, prandaj zgjodhëm lokacion me mundësi më të shumta, ku njerëzit aktivisht mund të marrin pjesë në ndryshimin e mjedisit.

Kështu deri tek nomadët me profesione të lira do të mund të qëndrojnë banuesit vendas dhe të propozojnë ushqim biologjik, shëtitje të organizuara dhe shëtitje nëpër male me kuaj, sende artizanale të punuara prej duarve të tyre. Dhe që të gjithë ata të bashkuar nga gjëja më e vlefshme në këtë botë – liria.

Në fakt liria supozon përgjegjësi, sepse duhet të mund të organizosh kohën tënde, të rendisësh gjërat me prioritet, të mësosh vazhdimisht, që të mund të gjenerosh mjete financiare, por dhe të mund të shfrytëzosh në mënyrë të dobishme kohën tënde të lirë – shton Cvetina. Kështu që nomadët digjitalë janë njerëz, të cilët e duan lirinë dhe ndërmarrin hapa konkretë për këtë mënyrë jetese. Përveç kësaj ata kanë një arsim mjaft serioz si dhe një profesion të mirë, kanë mësuar dhe kanë jetuar jashtë shtetit, kanë udhëtuar, të drejtuar nga dëshira e tyre për rritje dhe përsosje personale. Kjo u jep mundësi të bëjnë zgjedhje të lirë personale.

Përgatiti në shqip: Nataniela Vasileva

Foto: unityhub.co/bg

Më shumë nga rubrika

Стево Пендаровски и Гордана Силяновска Снимки: БГНЕС

Ngjarjet me adresë ballkanike

Pritet një raund i paqartë i zgjedhjeve presidenciale ne Maqedoninë e Veriut Pjesëmarrja në raundin e parë të zgjedhjeve presidenciale në Maqedoninë e Veriut mezi arriti 42 për qind prej gjithsej 1 800 000 votuesve të regjistruar, ndërsa 4 për..

botuar më 19-04-22 3.37.MD

Holandezi Patrick George Smithuis e ka gjetur shpirtin e vet në rezervatin natyror bullgar të krijuar nga ai

Patrick George Smithuis është ambientalist dhe regjisor filmash dokumentarë. Ai mbërriti për herë të parë në Bullgari në vitin 1994 për shkaqe profesionale, por mbeti këtu “për shkak të dashurisë”, siç vetë ai thotë, për shkak të dashurisë ndaj..

botuar më 19-04-21 1.15.MD

Lule pranverore në Kryeqytetin Evropian të Kulturës Plovdiv

Në Plovdiv filloi ndërtimi i një instalimi të gjallë prej lulesh me moton “Sill ngjyrë në Qytetin e Vjetër!” Iniciativa është me rastin e 50 vjetorit të krijimit të Institutit Bashkiak "Plovdivi i Lashtë". Organizatorët Fiori & Regali Plovdiv,..

botuar më 19-04-20 10.10.PD