Alfabetizmi mediatik duhet të bëhet pjesë e tërë procesit arsimor

Për të dytën herë me radhë Koalicioni për Alfabetizmin Mediatik organizon një fushatë të lidhur me sigurinë e fëmijëve në hapësirën digjitale dhe mediatike. Ditët e Alfabetizmit Mediatik 2019 (4 shkurt – 10 mars) i janë kushtuar informacionit të rremë nëpërmjet iniciativave dhe trajnimeve të posaçme, të cilat ta formojnë të menduarin kritik ndër nxënësit e gjimnazit dhe ndër studentët në degën e gazetarisë.

Në procesin e arsimimit mediatik, në kuadrin e fushatës, janë përfshirë edhe prindërit. Në saje të një akademie speciale për prindërit, ata do të kuptojnë për shembull se si t’i mësojnë fëmijët për ta përdorur internetin dhe cila është mosha më e përshtatshme për këtë. Çdo një pjesëmarrës do të mund të mësojë se si krijohet hapësira e sigurt në internet dhe çfarë masash parandaluese duhet të marrë para se ta lërë fëmijën e vet në botën virtuale. Vullnetarët nga Kryqi i Kuq bashkë me ekspertët nga Qendra për Internet të Sigurt do ta përgatitin një video “5 fakte për gënjeshtrën”, që do të përhapet në rrjetet sociale. Programi interaktiv përfshin dhe konkurse të ndryshme, të cilat e drejtojnë vëmendjen ndaj temës kryesore – kontrolli i fakteve dhe i burimeve të tyre.

Çdonjëri mund ta seleksionojë informacionin, në qoftë se është mësuar të ketë vështrim kritik – thotë Kristina Hristova, koordinatore e Koalicionit për Alfabetizmin Mediatik. – Fëmijët janë kaq të prirë, sa edhe të rriturit. Është me rëndësi që të jenë mësuar për të menduar mbi informacionin e përdorur, ashtu siç do të mendonin për rrobat me të cilat do të vishen, ushqimin ose teknikën që blejnë. Kështu siç duan të dinë nga ku kanë ardhur mallrat dhe kush është prodhuesi i tyre, ashtu duhet të interesohen edhe për burimin e informacionit. Sipas Kristina Hristovës në programet arsimore nuk i është kushtuar vëmendje të mjaftueshme formimit të të menduarit kritik. Pikërisht për këtë shkak qëllimi i Koalicionit për Alfabetizmin Mediatik është që t’i bashkojë ekspertët e ndryshëm, të cilët me dituritë dhe përvojën e tyre të marrin pjesë në përpunimin e metodikave, të cilat pas kësaj të ofrohen në Ministrinë e Arsimit.

Tema e lajmeve të rreme bëhet gjithnjë e më aktuale në plan botëror, ndërsa në hapësirën e internetit fëmijët janë tepër të prekshëm, sidomos në qoftë se nuk disponojnë dituri elementare për të lundruar në oqeanin virtual të informacionit. Sipas të dhënave të UNICEF-it 87 për qind e fëmijëve bullgarë lundrojnë rregullisht në hapësirën e internetit, prandaj Koalicioni shpreson se alfabetizmi mediatik duhet të bëhet pjesë e procesit arsimor jo si një lëndë e veçantë mësimore, por si një instrument suplementar në të gjitha lëndët mësimore.

Kjo është një mundësi për analizë kritike të informacionit, për përdorimit të saj dhe të parandalimit të rreziqeve në internet. Të gjitha këto elemente duhet të shqyrtohen vazhdimisht” – është kategorike Kristina Kristova.

Ndërsa rreziqet në internet dihen që prej shumë kohe. Vetëm gjatë vitit 2016 dhe 2017 sipas të dhënave të Ministrisë së Arsimit u regjistruan 8000 raste të torturës në shkollë. Rastet e torturës në internet gjatë vitit 2016 janë 38 për qind, që sipas Ministrisë është në “kërcim” i madh me 25 për qind në krahasim me vitin 2010.

Përgatiti në shqip: Vesella Mançeva

Foto: gramoten.li

Postimet e lidhura

Verifikimi i informacionit në disa burime – mënyra më efektive e luftimit të lajmeve të rreme

Cilat janë metodat efektive për mbrojtjen e konsumatorëve nga lajmet e rreme dhe a mund të fitojmë imunitet kundër tyre në shekullin e informacionit, në të cilin po jetojmë? Përgjigjen e kësaj pyetjeje e kërkoi diskutimi “A kanë rëndësi faktet?..

botuar më 19-01-26 12.25.MD

Më shumë nga rubrika

Një ekip ndërkombëtar shkencëtarësh po kërkon ilaçe në bazë të antioksidantëve për sëmundjet e rënda

Antioksidantët bimorë mund të bëhen një alternativë e vitaminave dhe mineraleve – ky është konkluzioni i një ekipi prej shkencëtarësh, ndër të cilët është docent Nikollaj Cvetkov nga Instituti i Biologjigsë Molekulare pranë Akademisë..

botuar më 19-02-15 11.25.PD

Trifon Zarezan – festa, e cila fillon me punën e vreshtarëve dhe përfundon me dolli

14 shkurti festohet në shumë shtete si Dita e dashurisë, kurse në Bullgari tradita e vjetër e lidhë atë me festën e vreshtarëve dhe verës – Trifon Zarezan (Trifon Krasitësi). Në të vera pihet në tërë vendin. Në Sofje, e cila nuk ndodhet në një..

botuar më 19-02-14 2.09.MD

Vizita e Ambasadorit Momçill Rajçevski në Elbasan

Ambasadori i Republikës së Bullgarisë në Tiranë Momçill Rajçevski dhe diplomatët e Ambasadës vizituan më 5 shkurt qytetin Elbasan, ku u takuan me Prefektin e Qarkut të Elbasanit Gledian Llatja, kryetarin e bashkisë së qytetit Qazim Sejdini,..

botuar më 19-02-11 4.49.MD