Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

2011-ta – viti botëror i pyllit “Të birësosh pyll” – një nismë për sponsorizim të pyllëzimit

Mbrojtësit e natyrës zhvillojnë aktivitete të ndryshme për pyllëzimin e kodrave të malit Vitosha
Foto: arkiv
Në fillim të shekullit XXI pyjet e malit Vitosha, në rrëzë të të cilit gjendet kryeqyteti Sofje, u sulmuan nga brumbulli i lëvores i llojit Typographus. Një pjesë prej bredhave u asgjësua. Administrata e parkut natyror “Vitosha”, më i vjetri në Ballkan, pati vështirësi ta zgjidhë vetë problemin. Në këtë situatë të komplikuar mbrojtësit e natyrës, të bashkuar në grupin “Vitosha”, i erdhën në ndihmë. Për disa vite në sajë të aktivitetit të tyre “Mbill jetë” u pyllëzuan mbi 60 hektarë, që do të thotë se janë mbjellë qindra mijë drurë me ndihmën e institucioneve shtetërore, biznesit dhe të shumë vullnetarëve.

Në kuadrin e këtij projekti, tregon Teodor Todorovi nga grupi “Vitosha”, lindi ideja për një aktivitet tjetër “Birëso pyll”. Qëllimi i tij është të gjejë mjete për pyllëzim, i cili do të realizohet nga vullnetarët. Aktiviteti është drejtuar kryesisht ndaj organizatave të biznesit, të cilat interesohen për mbrojtjen e pyjeve.

Si funksionon modeli?

© Foto: www.vitoshagroup.org

“U ofrojmë atyre një terren me pyll të asgjësuar, të cilin të rivendosin – sqaron zoti Todorov. – Firma përkatëse siguron mjete për përgatitjen e terrenit për punë, për mbjelljen dhe për kujdesin për drurët e rinj derisa të rriten. Përveç kësaj organizojmë veprimtari, në të cilat vetë organizatat mund të marrin pjesë në pyllëzimin e terrenit. Duke i ndihmuar pyjet, ekipet mësojnë shumë për ta, për sistemin ekologjik pyjor dhe për këtë se sa e vështirë është të krijohet dhe të kultivohet një pyll. Kështu rritet kultura e tyre ekologjike korporatave. Gjëja më e këndshme për ne është se njerëzit ndihen të lumtur pasi kanë marrë pjesë në aktivitet.”

Për shkak të interesit të madh për pjesëmarrje në aksione të pyllëzimit, grupi i mbrojtësve të natyrës “Vitosha” është duke krijuar një hartë interaktive të pyjeve të asgjësuara në vend. Ajo mund të shuhet në sajtin e organizatës ekologjike “Pylli” – www.map.gorichka.bg

“Shumë njerëz kuptuan për punën tonë dhe bëjnë pyetje a do të organizojmë mbjellje në rajonin e tyre – qoftë në Sofje, në qytetet Plovdiv dhe Stara Zagora, qoftë në vende të tjera – thotë zoti Todorov. – Nuk është puna jonë të organizojmë mbjellje për të gjithë njerëzit, të cilët dëshirojnë të marrin pjesë në aksione të tilla. Nga ana tjetër kjo dëshirë tejkalon kapacitetin tonë. Prandaj vendosëm të bëjmë bazën e të dhënave për terrenet, që nevojiten pyllëzim. Ajo është e arritshme në internet dhe atje japim këshilla konkrete për sa i përket pjesëmarrjes në aksione të mbrojtjes dhe rivendosjes së pyjeve në rajonet përkatëse, pa pasur nevojën që dikush të organizojë gjithçka.”

© Foto: gorichka.bg


Harta interaktive është në përshtatje me ndarjen rajonale administrative të vendit në drejtim të ekonomive pyjore. Përveç masës dhe lokalizimit të terreneve për pyllëzim, në hartë ka informacion për zonat pyjore që hyjnë në rrjetin ekologjik “Natura 2000”, me qëllim të dihet vlera natyrore e pyllit përkatës. “Për pjesëmarrjen e të interesuarve në veprimtarinë e pyllëzimit jemi parashikuar disa opsione”, shton zoti Todorov.

“I pari është që të lidhen me ekonominë pyjore në rajonin përkatës dhe të organizojnë aksionin. Opsioni i dytë është që të përfshihen si vullnetarë në punën e organizatave të mbrojtësve të natyrës në të njëjtin rajon dhe varianti i tertë – përmes internetit të dhurojnë mjete për rajonin, që është për pyllëzim. Në qoftë se ka nevojë ne mund ta ndihmojmë organizatën përkatëse që të realizojë në vend veprimtarinë e saj.”

Përgatiti në shqip: Anna Kapitanova
По публикацията работи: Maria Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Për cilën Evropë ëndërrojnë dhe do të votojnë të rinjtë në vendin tonë?

Kanë mbetur edhe pak ditë deri në zgjedhjet për deputetë në Parlamentin e 10-të Europian, si dhe për përfaqësues në Asamblenë e 50-të Kombëtare në vendin tonë. Fundi i fushatave zgjedhore është gjithashtu afër - koha kur kandidatët për pushtet..

botuar më 24-06-05 5.20.MD
Universiteti i Sofjes “Shën Kliment Ohridski

Universiteti I Sofjes mbetet ndër 750 institucionet më të mira të arsimit të lartë në botë

Universiteti i Sofjes “Shën Kliment Ohridski" (SU) është në vendet 741-750 në renditjen e universiteteve më prestigjioze në botë QS World University Rankingspër vitin 2024. SU është përfshirë në renditje që nga viti 2014. Renditja e këtij viti përfshin..

botuar më 24-06-05 9.26.PD

Snezhana Skoriç rreth vazhdimit të mësimit në Bolgrad në kohë lufte

Shkolla e mesme e qytetit Bolgrad, e cila mban emrin e revolucionarit dhe figurës së shquar bullgare Georgi Sava Rakovski, është shkolla e parë e mesme bullgare e krijuar jashtë vendit. 165-vjetori i shkollës na jep një mundësi të rikujtojmë historinë..

botuar më 24-06-04 7.30.PD