“Kam studiuar gjashtë vjet jashtë shtetit, por e dua Bullgarinë dhe gjithmonë kam ditur se do të kthehem prapë dhe do të bëjë diçka të mirë për vendin tim.” Këtë e tha para mikrofonit të Radio Bullgarisë Darin Maxharov, 25 vjeçar, krijuesi i platformës arsimore http://ucha.se/
Burri i ri ka mbaruar në degën e elektronikës dhe të shkencave kompjuterike në Gjermani. Gjatë vitit 2011 Darin Maxharov filloi aspiranturë në lëmin e burimeve ripërtëritëse energjetike dhe të automobilave elektrikë në Belgjikë, por para tre muajsh i ndërpreu studimet, që të kthehet në Bullgari dhe të zhvillojë idenë e vet Ucha.se. “Më motivoi efekti që po shoh. Sajti është në ndihmë të shumë njerëzve. Përveç kësaj shoh se nxënësit kanë nevojë të madhe për ndihmë dhe motivim” – kështu na shpjegoi Darin motivet e veta për t’u kthyer në atdhe. Në fund të vitit të kaluar Ucha.se u shpall sajti më i mirë arsimor në Bullgari i vitit 2012. Ideja e Darinit është që t’i ndihmojë nxënësit për të mësuar me kënaqësi, duke u argëtuar. Motoja e sajtit është: “Shpejt, lehtë, interesante.” Ja se çfarë tha ai për mënyrën, në të cilën u krijua sajti:
“Që si student më ftuan në një kompani gjermane për të xhiruar një video me mësime të fizikës. Spotet ishin si ato në sajt, por puna nuk ishte efektive. Përgatitja e një mësimi na kushtonte 20 orë pune. Atje mësova shumë gjëra dhe vendosa t’i sprovojë, që ta ndihmojë motrën time. Ajo shpesh më bënte pyetje të ndryshme, megjithëse ka nota të shkëlqyera. Atëherë i thashë vetes: pasi ajo, e cila është nxënëse e shkëlqyeshme, ndeshet me vështirësi, çfarë të themi për nxënësit e tjerë. Prandaj xhirova disa spote me mësime posaçërisht për të. Ajo i tregoi para bashkënxënësve dhe mësuesve të saj nga Gjimnazi i Aprillit në Gabrovo. Ata i pëlqyen dhe më thanë: bëj akoma spote të tilla. Kështu fillova t’i publikojë në një faqe interneti. Ndërkohë ata u treguan miqve të tyre nga qytetet e tjera, sajti fitoi popullaritet dhe përkatësisht mediat filluan të flasin për të.”
Për më pak se një vit numri i video-mësimeve të krijuara në Ucha.se është 790. Ato janë parë mbi 1 100 000 herë. Matematika, kimia, fizika, biologjia, historia, gjeografia, bullgarishtja dhe anglishtja – këto janë lëndët mësimore, të cilat janë paraqitur në një mënyrë origjinale, interesante dhe të lehtë. Tani për tani është përfshirë lëndë mësimore për nxënësit nga klasa e pestë deri në klasën e njëmbëdhjetë, por ambiciet e Darinit janë të paraqiten të gjitha lëndët mësimore nga klasa e parë e gjer te klasa e dymbëdhjetë. I riu ka fituar për kauzën e vet dhe entuziastë të tjerë dhe aktualisht në ekipin e Darinit ka 16 veta. Meqenëse aksesi në sajt është falas, por mirëmbajtja e tij kërkon mjaftë mjete, Darin kandidon për financim nga fondi i investimeve LaunchHub. Projekti i tij është miratuar dhe merr 30 mijë euro. Përveç mjeteve, fondi siguron dhe një program mentori. “Tashmë çdo bullgar me ide në fushën e teknologjive ka mundësinë unikale të bëjë diçka të mirë për veten dhe për vendin” – thotë Darin. Ai na shpjegon me hollësi se si përgatitet dhe xhirohet çdo një video-mësim:
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të Inteligjencës Artificiale, të krijuar nga bullgarët. Në garë kanë konfirmuar pjesëmarrjen 44 ekipe, dy prej..
Një studim i kompanisë së zgjidhjeve të biznesit "Moneypenny" tregon Sofjen si qytetin më të mirë për një evropian mesatar për të jetuar pas daljes në pension, shkruan revista "FORBES". Renditja merr parasysh faktorë të tillë si kostoja mesatare e..
Një shumicë e konsiderueshme e të rinjve në vendin tonë - 89%, e shohin zhvillimin e tyre në pesë vitet e ardhshme jo jashtë vendit, por në Bullgari, sipas një studimi të ri nga Agjencia e Analizës së Opinionit të Konsumatorëve JTN dhe Platforma..
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord...
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..