Gjatë 2014-ës në Bullgari zhvillohen, tashmë herën e pestë, seritë e turneut të golfit Mtel Golf Masters. Nga starti i tyre në fund të prillit deri në finalet në fund të shtatorit, do të kalohet përmes dy turneve të kualifikimeve dhe një turneu tjetër të skuadrës. Për muajin qershor të këtij viti Asociacioni Evropian i Golfit bashkë me atë bullgar organizuan në qytetin e Pravecit një kampionat evropian për amatorë. Kalendari i Turneut i Fushave të Golfit për vitin 2014, të cilat janë anëtare të Asociacionit Bullgar të Golfit, tregon se në periudhën e shkurtër të praktikimit të golfit në Bullgari, sporti ka përjetuar një zhvillim shumë të madh.
Fusha e parë e golfit në vend është ndërtuar që gjatë vitit 2000, kurse Asociacioni Bullgar i Golfit u krijua në vitin 2001. Fushat e golfit ende janë shumë pak, por ekspertët parashikojnë se në kuadrin e disa viteve ato do të jenë dhjetëra. Në periudhën e shkurtër të trajnimit të golfit ky sport u bë pjesë e sistemit të arsimit sportiv. Akademia Sportive Kombëtare zhvillon kurse golfi dhe disponon një fushë trajnimi. Për të madje janë shkruar disertacione akademike.
Prapëseprapë golfi në Bullgari është në fazën e tij fillestare. Në një fazë të tillë është dhe turizmi i lidhur me të.
Konsiderohet se për zhvillimin e golfit kontribuojnë jo vetëm veçoritë natyrore, por edhe anëtarësia e Bullgarisë në BE, gjë që e bën një destinacion të afërt dhe stabil. Potenciali për zhvillimin e sportit dhe turizmit të lidhur me të është i madh, por që të realizohet ai, duhen përballuar disa probleme. Njëri prej tyre është mungesa e sponsorëve.
Gjatë hapjes së serive Mtel Golf Masters për këtë vit, një përfaqësues i telekomit, i cili e sponsorizon, ua drejtoi urim edhe kompanive të tjera për të ndjekur shembullin e tij dhe për të punuar për zhvillimin e golfit në Bullgari. Urime u drejtuan edhe nga ekologët. Sipas tyre, disa prej fushave të golfit në vend janë ndërtuar në vende të papërshtatshme dhe i kanë shkaktuar dëme landshaftit të natyrshëm, florës dhe faunës. Mirëpo urime të tilla ndaj golfit drejtohen edhe në vende të tjera të botës dhe përsëri mbetet ndjenja se ky sport është mirëseardhur edhe në Bullgari.
Përgatiti në shqip: Vesella Mançeva
Stilijana Nikollova u bë kampione e Evropës në gjimnastikë ritmike pas një paraqitjeje të shkëlqyer në Kampionatin e Budapestit. Ajo luajti pa gabime kombinimet e saj me rreth, shkopinj, shirit dhe top. Ansambli i Bullgarisë mbrojti titullin..
Dara Malinova dhe Magdalena Vëllkova fituan medaljet e para për Bullgarinë në Kampionatin Evropian të Gjimnastikës Ritmike në Budapest. Malinova fitoi medaljen e argjendtë në shiritin te vajzat me 29.600 pikë. Medaljen e artë e fitoi rumunia Amalia..
Nga sot deri të dielën (26 maj) në bazën e hipizmit “Frigopan”, në fshatin Caracovo, afër Plovdivit, Bullgaria Jugore, po zhvillohet Kupa Botërore e Kërcimit të Pengesave, kualifikimi për Olimpiadën e Parisit, me një fond të përgjithshëm shpërblyes prej..
Viktor Nikollov përfundoi në vendin e dytë në klasifikimin e përgjithshëm të kampionatit botëror të kartingut Sodi W Finals në qytetin belg Genk dhe u..