Akoma si nxënëse në Shkollën Kombëtare Muzikore “Ljubomir Pipkov” në Sofje, Zornica Illarionova fitoi dekorata prestigjioze nga konkurset kombëtare dhe ndërkombëtare – “Nedjallka Simeonova”, “Panço Vlladigjerov”, “Dobrin Petkov” e të tjerë. Violinistja e re ka zhvilluar koncerte në Francë, Spanjë, Portugali, Gjermani, Belgjikë, Rusi, Austri, Serbi. Prej dy vjetëve është studente në Akademinë Mbretërore “Mbretëresha Sofia” në Madrid, në klasën e violinës të profesorit Zahar Bron. Sipas traditës, në fund të vitit shkollor jepen dekorata për një instrumentalit më të mirë në degët e ndryshme. Për periudhën 2013-2014 njohjen e fitoi bullgarja e re.
“Dekorata është për koncertin tim të fundit në Madrid, në të cilin morën pjesë të gjithë violinistët nga katedra – tregon Zornica. – Ajo jepet në takimin tradicional midis udhëheqjes së akademisë dhe pedagogëve në “Mbretëreshën Sofia”. Është e tepërt të them se jam shumë e lumtur. Kjo është një nga dekoratat më të mëdha të cilat kam marrë deri tani. Është e ditur se çfarë personaliteti i jashtëzakonshëm është pedagogu i madh Zahar Bron, në klasën e tij ka violinistë të shkëlqyer. Gjatë vitit 2012, pas një konkursi shumë të vështirë, më pranuan në shkollë. Nga 14 kandidatët profesori Bron pranoi katër. Puna është shumë intensive, por nuk e kam shkëputur lidhjen time me Bullgarinë. Aktualisht jam studente njëkohësisht dhe në Universitetin e Ri Bullgar. Është tepër e vështirë të gërshetohen angazhimet në të dyja shkollat, por tani për tani mundem.”
Përgatiti në shqip: Nataniela Vasileva
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..