Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Shkolla Kombëtare e Koreografisë shënon përvjetorin e 65-të të krijimit me një sërë koncertesh festive

БНР Новини

Shkolla Kombëtare e Koreografisë mbush 65 vjet nga krijimi. Pedagogë dhe nxënës përgatitën një sërë veprimtarish i kushtuara këtij përvjetori. Më shumë hollësi sjell drejtori Bojko Nedellçev:

“Në radhë të parë duhet të theksojmë, se Shkolla Kombëtare e Koreografisë jep mundësi për mësim në fushën e baletit klasik, baletit modern dhe valleve popullore bullgare. Ky është institucioni i vetëm arsimor i këtij lloji jo vetëm në Bullgari, por në tërë Gadishullin Ballkanik.  Gjatë vitit 2016 mbushen 65 vjet nga themelimi i kësaj shkolle. Krahas kësaj shënojmë edhe dy data të tjera me rëndësi – përvjetorin e 100-të të lindjes së folkloristes dhe koreografe Margarita Dikova dhe 90-vjetorin e lindjes së themeluesit të specialitetit “Valle popullore bullgare” Kirill Harallampiev. Për këtë arsye kemi përgatitur gjashtë koncerte, që fillojnë më 7 dhjetor. Programi i kësaj dite u përgatit nga nxënësit e tre specialiteteve. Më 8 dhjetor parashikojmë një shfaqje folklorike. Spektaklet janë të pasura dhe interesante. Veprimtaritë e tjera do të organizohen gjatë vitit 2016. Gjatë prillit do të shënojmë Ditën Botërore të Vallëzimit. Më 9 maj e respektojmë koreografen Margarita Dikova dhe pedagogun Kirill Harallampiev. Cikli festiv do të përfundojë më 1 qershor – Ditën e Fëmijëve. Atëherë do të japim një koncert të madh nën egjidën e UNESKO-së.”

СнимкаNdër të tjerët Shkolla Kombëtare e Koreografisë është shkolla e parë bullgare në fushën e arteve, që në vitin 2015 u pranua anëtar i sistemit të institucioneve mësimore të asocijuara pranë UNESKO-së. Më shumë fakte nga biografia e shkollës sjell prapë drejtori Bojko Nedellçev:

“Shkolla u themelua më 5 shkurt të vitit 1951. Për këtë punuan shumë kolegë. Një kontribut të madh për krijimin e saj ka Anastas Petrov – doajeni i baletit profesional bullgar. Vite me radhë ai ngulte këmbë para qeverisë së atëhershme të krijohet një shkollë e tillë. Mirëpo sikur në atë kohë nuk ekzistonin ide që të përkrahet një nismë e tillë. Rol vendimtar luajti pedagogu i madh rus i baletit Vlladimir Belij, i cili i dërgoi një letër Ministrisë së Kulturës. Në të ai theksonte, se Bullgaria e cila është një shtet me histori të lashtë, duhet të disponojë një shkollë të vet të baletit. Kështu u hodhën themelet e shkollës së parë tek ne, në të cilën mësohet këtë art. Pesë vjet më vonë, në sajë të përpjekjeve të Kirill Harallampievit dhe koreografëve të tjerë të njohur bullgarë pranë shkollës u krijua specialiteti folklorik. Kjo ndodhi në vitin 1956. Sot të shumta janë nxënësit që mësojnë vallet popullore bullgare, ndërsa ansambli folklorik i shkollës është më i miri në mbarë vendin, doemos edhe më i madhi dhe më i riu.”

СнимкаPërgatiti në shqip: Svetllana Dimitrova

Fotografitë janë ofruar nga Shkolla Kombëtare e Koreografisë



Последвайте ни и в Google News Showcase, за да научите най-важното от деня!

Më shumë nga rubrika

Bullgaria është pjesë e bienales botërore për krijimtarinë dhe zejtarinë "Homo Faber" në Venecia

Kultura bullgare dhe traditat vendase, të cilat deri vonë dukeshin ekzotike për pjesën tjetër të botës, gradualisht po bëhen pjesë e kulturës botërore të shekullit të 21-të. Pasi ljutenica jonë dhe byreku ynë tradicional u përkufizuan si një..

botuar më 24-09-18 7.30.PD

Mbi 90 tablo të piktorit të madh bullgar Deçko Uzunov janë ekspozuar në një galeri të Sofjes

Për shkak të interesimit të madh për ekspozitën “Deçko Uzunov. Krijesat. 125 vjet nga lindja e piktorit” Galeria e Arteve të qytetit të Sofjes e zgjati ekspozitën me vepra të tij deri më 9 tetor. Ekspozita prezanton mbi 90 vepra në zhanret e..

botuar më 24-09-16 6.10.PD

Fryma e Sofjes së Vjetër pushton qendrën e kryeqytetit

Na ishte njëherë e një kohë një lagje e jashtëzakonshme. Prej saj filloi ndërtimi i Sofjes së Vjetër, sepse ndodhej midis Pallatit dhe stacionit - rruga kryesore që bënte lidhjen e jetës në qytet. Në këtë hapësirë njerëzit jo vetëm plotësonin nevojën e..

botuar më 24-09-13 7.30.PD