Në bisedat për energjitë e natyrës Mësuesi Petër Dënov këshillon pasardhësit, që në radhë të parë të shfaqin dashurinë e tyre ndaj një peme. Për shembull të mbjellin nga një farë një mollë, të kujdesen për të përderisa rrit dhe fillon të japë fryte. Me këtë mollë njeriu duhet të matë dashurinë, të cilën e mban në shpirt. Sipas Mësuesit Petër Dënov, njeriu vepron kundër natyrës dhe në këtë mënyrë vet shtyn dobi të çmueshme, të cilat i siguron jeta tokësore.
Ato fjalë nuk ishin të kota, sepse bullgarët e sotëm gjithnjë e më shumë kthehet te natyra për të rivendosur karmonin e humbur. Një pjesë prej synimit të sinqertë të të rinjve për ajër dhe për ujë të pastër nën qiellin amtar është Fushata Kombëtare e Mbjelljes së Pemëve “Prolet 2017”, ose “Pranvera 2017”. Prapa saj qëndrojnë bashki dhe institucione shtetërore, ndërsa ideja i përket një burri të ri të vendosur të mbjellë pemë në Bullgari. Ky është Nikolla Rahnev, ndërsa nismën e tij përhapur në rrjetet sociale, e përkrahin mijëra bullgarë. Nëpërmjet fushatave të organizuara prej tij, 5 vitet e fundit u mbollën përafërsisht 170 mijë pemë në territorin e mbarë Bullgarisë. Në pyllëzimin përfshihen qindra vullnetarë dhe vit pas viti numri i tyre po rritet.
Fushata e sivjetshme e pyllëzimit tashmë filloi. Pritet që deri në përfundimin e saj të mbillen 5 mijë fidanë. “Më se 160 bashki shprehën dëshirë të marrin pjesë – rrëfen Nikolla Rahnev. – Kur njeriu mbjell të paktën një pemë, pak ose shumë ai ndryshon diçka në vet veten. Bëhet më përgjegjës, më të kujdesshëm ndaj natyrës, dhe ndaj shoqërisë. E kam bërë përfundimin, se ne njerëzit duam çdo gjë për të cilën kujdesemi. Një dashuri të tillë shfaqim ndaj fëmijëve, ndaj kafshëve, edhe ndaj disa sendeve. Po kjo ndodh kur shfaqim kujdes edhe ndaj natyrës. Kështu dalë ngadalë te ne formohet një kujdes ndaj ajrit, ujit, pemëve. Fushata e tanishme e pyllëzimit ka dy komponentë – nga njëra anë bëjmë një pyllëzim vullnetar në rajonet e qyteteve Veliko Tërnovo, Gabrovo, Varna, Shumen, Razgrad, Tërgovishte dhe dhjetëra të tjerë. Nga ana tjetër bashkëpunojmë me 300 kopshte dhe shkolla. Atyre u dhurojmë nga 100 pemë, të cilat fëmijët duhet të mbjellin të përkrahur nga ne dhe nga prindërit.”
“Ka një proverb, që njeriu duhet të mbjellë të paktën një pemë në jetë” – thekson bashkëbiseduesi. Sipas tij është e domosdoshme të mbillen më shumë pemë, sepse përafërsisht 11 miliard për vit është bilanci negativ i pemëve të prera në krahasim me numrin e pemëve të mbjella. Nikolla Rahnev është i qetë për fushatën e re të pyllëzimit, sepse tashmë disponon një fidanishte, e cila është plotësisht për realizimin e qëllimeve të nismës së tij vullnetare. E quan “Fidanishten e ëndrrave”. Vendi është një objekt i vjetër pyjor, i cili prej 8 vitesh ishte lënë pas dore. Mirëpo, Nikolla Rahnev ndihmoi që jeta në të të rikthehet dhe kështu ky vend u bë pjesë e pandarë e idesë për pyllëzimin në Bullgari. Lidhur me këtë vet ai shpjegon:
“Kur mbjellësh dhjetëra mijë pemë, gjëja më e logjikshme është që vet të prodhosh fidanët. Vitin e kaluar, pasi kaluam një sërë peripecish burokratike, arritëm të marrim me qira këtë fidanishte për 10 vjet. Ajo ndodhet në fshatin Mallki Iskër, në afërsi të qytetit Etropole. Gradualisht po rikthejmë jetën në fidanishten dhe kështu kujdesemi për ëndrrat. Tashmë kemi 200 mijë pemë të cilat i rritëm nga farëra. Bëjmë konsultime me specialistë pylltarë nga ekonomi të ndryshme pyjore. Edhe ata janë të shqetësuar për natyrën dhe në zemrat e tyre ka pyll. Qëllimi më ambicioz, të cilin dëshirojmë të realizojmë deri në vitin 2020 është të arrijmë të mbjellim 1 milion pemë në mbarë Bullgarinë.”
Përgatiti në shqip: Svetllana Dimitrova
Fotografi: gorata.bg
Shoqata "BG Ji Aktiv" (BG Бъди активен) fton organizatat joqeveritare, klubet sportive dhe institucionet arsimore për të inkurajuar organizimin e veprimtarive të pastrimit dhe bisedave edukative në lidhje me fushatën "JO plehërishtave ilegale", me..
Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare . Ato ishin të mbushura plot me emocione që do të ngelen në memorien e tyre për një kohë të gjatë. U mbyll me..
Ekipi bullgar u prezantua në një nivel jashtëzakonisht të lartë gjatë Turneut Ndërkombëtar të Fizikanëve të Rinj (IYPT) në Budapest, ku morën pjesë 38 vende nga e gjithë bota. Fizikanët bullgarë fituan medaljet e argjendta ekipore. Kjo është..
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..