Shumë janë shenjtorët e nderuar nga populli ynë si kurues të sëmundjeve të ndryshme. Ndër ta është edhe Shën Ekaterina e Madhe. Kisha Ortodokse Bullgare e shënon festën e saj më 24 nëntor. Sipas legjendës Ekaterina ishte bijë e perandorit të Aleksandrisë së Egjiptit gjatë udhëheqjes së perandorit Maksimian. Ekaterina ishte jo vetëm shumë e bukur, por edhe shumë e arsimuar. Nëna e saj ishte e krishterë e ethshme. Ajo e njohu Ekatrinën me një oshënar, i cili e ndihmoi vajzën në pranimin e fesë së krishterë. Në vitin 305 Ekaterina u dërgua në burg që në moshën 18 vjeçe për shkak të fesë së saj. Të gjithë që e vizituan në errësirë, që të grinden me të, jo vetëm se nuk arritën ta bindin ta ndryshojë fenë, por vetë ata u bënë të krishterë. Ekaterina ishte torturuar. Sipas legjendës, ajo ishte dënuar me vdekje. Ekaterina duhej të shqyhej midis katër rrotave, por kur ajo i preku rrotat ato shpërthyen në copa. Atëherë e prenë trupin e Ekaterinës me shpatë , kurse Engjëlli e çoi kufomën në malin Sinaj, ku më vonë u ndërtua një manastir.

Në kulturën tradicionale bullgare e quajnë shenjtoren Katerina. Festa popullore koincidon me datën e festës kishtare. Besohet se ajo i ruan fëmijët nga fruthi. Festa shënohet kryesisht në Bullgarinë Jugore. Etnografi i madh Dimitër Marinov e ka vëzhguar festën në disa vendbanime rreth Plovdivit dhe Rodopeve. Sipas fjalëve të tij zakoni është i përhapur ndër bullgarët muhamedanë.

Përgatiti në shqip: Vesella Mançeva