Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një koncert festiv hap Presidencën Bullgare të Këshillit të Bashkimit Evropian

БНР Новини

Ceremonia rreth hapjes së Presidencës Bullgare do të zhvillohet më 11 janar në Teatrin Popullor “Ivan Vazov”. Në programin e ngjarjes janë përfshirë këngë të grupeve dhe të solistëve të njohur bullgarë. Mes tyre është dhe kori i Fëmijëve të Radios me dirigjente Venecia Karamanova. Kori do të hapë ceremoninë me himnin e Republikës së Bullgarisë, kurse pas fjalimeve të personave zyrtarë do të këndojnë dhe himnin e Bashkimit Evropian. Në darkën festive do të tingëllojnë intonacione autentike popullore, si dhe vepra mbi bazën folklorike të krijuara nga autorë të njohur bullgarë.



Mbase përjashtimi i vetëm është pjesëmarrja e ansamblit të dhomës “Joan Kukuzell-Zëëmbli” , i cili do të këndojë “Në mbretëritë tuaja”- një nga himnet më të bukura ortodoksale, të krijuara nga kompozitori Dobri Hristov. Ansambli “Joan Kukuzell-Zëëmbli” është ansambli i parë për muzikë ortodokse, i cili ka interpretuar në sallën e koncerteve veprat e patronit të vet - këngëtari legjendar mesjetar dhe kompozitor i jashtëzakonshëm me prejardhje bullgare, si dhe shumë këngë dhe himne të tjera kishtare.






“Eva kuarteti ” do të paraqesë të kënduarit me dy zëra nga Bullgaria e Mesme Perëndimore (Shoplluka) - regjioni, në të cilin gjendet dhe kryeqyteti i Bullgarisë. Katër zonjat me zëra të shkëlqyera nga kori popullor i grave “Misteri i zërave bullgar” Evelina Hristova, Gjergana Dimitrova, Sofija Janeva dhe Daniella Stoiçkova shpesh paraqiten në projekte të ndryshme moderne.




Stojan Jankullov - perkusionisti virtuoz bullgar, i cili shkëlqen njësoj dhe në formacionet folklorike dhe në formacionet pop dhe xhaz, do të jetë në skenë me valltarët nga ansambli “Çinari”. Bashkë do të interpretojnë një valle me daulle, të quajtur “Vatra”.



Ansambli “Bëllgare”-ansambli i parë folklorik privat tek ne, do të prezantohet me një shfaqje koreografike mbi motive shope.



Kurse formacioni instrumental “Bullgara”, repertori i të cilit nuk i nënshtrohet një formulimi të saktë për nga ana e gjinisë - me pjesën “Nestinarsko” dhe “Utro”.




Në fund të koncertit është kënga e interpretuar nga dueti Kris dhe Velin.



Sipas programit paraprak ata do të këndojnë në shoqërim të “Bullgara” kurse në skenë përsëri do të dalë ansambli “Bëllgare”.

Përgatiti në shqip: Nataniela Vasileva


Fotografi: arkiv



Последвайте ни и в Google News Showcase, за да научите най-важното от деня!

Më shumë nga rubrika

Festa hebraike Pesah fillon më 22 prill

Pas perëndimit të diellit (ora 17) më 22 prill, fillon Pesah - një nga tre festat më të mëdha për hebrenjtë. Si datë dhe ditë, festa është e ndryshueshme dhe ndodh pas ditës së 14-të të muajit pranveror të Nisanit, duke filluar pas ekuinoksit..

botuar më 24-04-22 8.49.PD

"Kapakë për të ardhmen" me një promovim pranveror për blerjen e pajisjeve për repartet e fëmijëve dhe neonatologjisë

Nisma për mbledhjen e kapakëve prej plastmase e njohur si "Kapakë për të ardhmen" vazhdon të gjenerojë energji pozitive. Prej disa vitesh ajo ka treguar se si një produkt i mbeturinave si kapakët e shisheve plastike mund të bëhet simbol i së..

botuar më 24-04-21 6.30.PD

Bukuria e fizikës prezantohet me ditë të dyerve të hapura në Fakultetin e Fizikës të Universitetit të Sofjes

Fizikë argëtuese me eksperimente nga të gjitha fushat e fizikës, demonstrime të metodave për kërkimin e botëve të reja në hapësirë, kushtet e nevojshme për të quajtur një planet "binjaku i Tokës", një takim me kërkuesit bullgarë të ekzoplaneteve..

botuar më 24-04-20 8.40.PD