Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Përralla fëmijësh do të botohen në një libër

БНР Новини

“Nga fëmijët për fëmijët” është një vëllim me përralla në faqet e të cilit do të udhëtoni deri në qytetin “Abetare”. Udhëtimi është në një kalë, i cili ëndërron për të qenë zebër. Fluturimi është mbi një guaskë breshke dhe mund të bëni pazar në dyqanin magjik.

СнимкаPër të dytin vit me radhë shtëpia botuese “Dëbovi Lista” (“Gjethe Lisi”) zhvillon një konkurs për përralla, të krijuara nga fëmijët. 25 veprat më të mira do të botohen në një libër. Në garë, me afat përfundimtar deri në 24 maj, mund të marrin pjesë fëmijë dhe të rinj të moshës deri në 18 vjeç. Si vitin e kaluar, ashtu dhe sivjet ideja gëzon një interes të madh, por këtë herë tekstet mbërrijnë në postën elektronike nga mbarë vendi. Në edicionin e parë mbi 400 fëmijë i dërguan përrallat e veta, kurse më interesantet prej tyre u botuan në vëllimin e librave “Nga fëmijët për fëmijët”.

Edhe më shumë shkrimtarë të vegjël dhe përralla të shkruara me një fantazi edhe më të pastër – këtë e konstatoi me kënaqësi të madhe botuesja dhe piktorja Nusha Rojanova në fund të konkursit dhe premtoi që deri në fund të vitit të ketë edhe një libër me përralla, që të grumbullojë imagjinatën dhe bukurinë e botës së fëmijëve.

Është mit se fëmijët nuk lexojnë dhe nuk shkruajnë – është kategorike ajo. – Sepse në qoftë se një fëmijë nuk lexon ai nuk mund të shkruajë vjersha, përralla, ose tregime. Lidhur me konkursin ne vendosëm kontakt me shumë prindër dhe mësues të gjuhës dhe letërsisë bullgare dhe të gjithë ata thanë: fëmijët lexojnë, nuk është e vërtetë se rrinë vetëm para kompjuterëve dhe celularëve. Ata duhet të kenë alternativë dhe t’i inkurajojmë, t’i orientojmë në këtë drejtim, po të ketë një libër të bukur, fëmijët mund ta vlerësojnë.

Përveç se i inkurajojnë, organizatorët e konkursit kanë akoma një qëllim – t’i nxitin prindërit dhe mësuesit që të merren edhe më shumë me ta, të zhvillojnë imagjinatën e tyre dhe të përmirësojnë kulturën e tyre letrare. Sidomos tani, kur informacioni është kudo dhe nuk ka nevojë të përfytyrojmë disa gjëra, për të cilat mund të informohemi menjëherë. “Për fat të mirë imagjinata e fëmijëve mbetet e pafund, fëmijët ende ëndërrojnë dhe krijojnë, tha Nusha Rojanova dhe shtoi:

СнимкаTë gjitha temat, për të cilat fëmijët interesohen, janë të virtytshme - për dashurinë, për ndihmën ndaj të tjerëve, për realizimin e ëndrrave tona, për pranimin e të tjerëve, që janë më të ndryshëm nga ne. Në përrallat e tyre ka më tepër magji, sesa super-heronj. Personazhet janë absolutisht të reja, të sajuara nga vetë fëmijët. Ka shumë personazhe dhe ide – për shembull se si një kancer i vogël dashurohet me një zhabë, por kjo është nga konkursi i vitit të kaluar, për edicionin e sivjetshëm tani për tani nuk do të flas.”

Ilustrimet e përrallave gjithashtu do të jenë të fëmijëve.

Piktorët e ilustrimeve janë 60 fëmijë, me të cilët po punoj në shkollën time të pikturimit në Varna – na tregoi Nusha Rojanova. – U lexoj fëmijëve përrallat e dekoruara në konkurs. Kështu ata frymëzohen, gjë që sipas meje është shumë e rëndësishme. Pas kësaj, me ndihmën time zgjedhim teknikat e pikturimit dhe fillojmë të vizatojmë.

Që të përfshihen në libër përrallat më të mira juria do të marrë parasysh tri kërkesa – subjektin dhe protagonistët, informacionin cilësor me mesazh të bukur dhe tekstin e shkruar gramatikisht mirë. Mirëpo, sipas Nusha Rojanovës klasifikimi nuk është kaq i rëndësishëm. “Të dashur fëmijë, shkrimi është një aventurë, prandaj përjetojeni” – bëri thirrje ajo.

Përgatiti në shqip: Vesella Mançeva

Autori: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Shkencëtarët dhe gjuhëtarët kujtuan në Caribrod histori të bullgarëve të rëndësishëm në Serbi

Forumi shkencor ndërkombëtar "Urat kulturore: histori të bullgarëve të rëndësishëm në Serbi" u mbajt në fund të qershorit në gjimnazin "Shën Kirill dhe Metodij" në Caribrod. Ngjarja u realizua me mbështetjen financiare të Ministrisë së Arsimit dhe..

botuar më 24-07-04 7.30.PD

Lektoratet e gjuhës bullgare luajnë një rol të rëndësishëm në "ndezjen" e interesit drejt Bullgarisë në mbarë botën

Mbi 30 studiues të gjuhës bullgare nga njëmbëdhjetë vende u mblodhën në një forum dyditor në Sofje dhe Plovdiv, kushtuar alfabetit cirilik, për të prezantuar arritjet e tyre më të fundit në studimin e veprës së Kirilit dhe Metodit dhe për të kujtuar se..

botuar më 24-07-03 7.30.PD
Foto: Facebook / Fakulteti Juridik i Universitetit të Sofjes

Gjuha e së drejtës evropiane është baza e programit më të vjetër të specializuar të masterit në Bullgari

Gjatë fushatës së sivjetshme të kandidatëve për studentë, pyetja cila do të jetë diploma më e dëshiruar në Universitetin e Sofjes "Shën Kliment Ohridski" sikurse është retorike. Për katër vitet e fundit, zgjedhja numër një e studentëve të ardhshëm..

botuar më 24-06-25 7.10.PD