Bullgaria, Greqia dhe Qiproja i bënë thirrje Bashkimit Evropian që të mos e nënvlerëson problemin me fluksin në rritje të refugjatëve që përpiqen të hyjnë në territorin e Bashkimit, duke kaluar me anije Mesdheun Lindor. Pas sesionit të sotëm të Këshillit “Drejtësia dhe Punët e Brendshme” në Luksemburg ministrat e punëve të brendshme të tri vendeve kërkuan zbatim më efektiv të marrëveshjes me Turqinë nga viti 2016 për kthimin e më shumë migrantëve dhe për kundërvënien e trafikantëve të qenieve njerëzore. Sofja, Athina dhe Nikozia insistojnë për më shumë mjete financiare për shtetet në regjion për përballimin e krizës së migrantëve. Ministri i brendshëm bullgar Mlladen Marinov tha se fluksi i migrantëve në kufijtë bullgarë nuk është ndryshuar në mënyrë të konsiderueshme në sajë të bashkëpunimit të mirë me autoritetet kompetente turke.