Kuvendi Popullor miratoi në lexim të parë Buxhetin e Sigurimit Shtetëror Shoqëror për vitin 2020 me votat e deputetëve të Partisë GËRB dhe të Patriotëve të Bashkuar. Partia Socialiste Bullgare dhe Lëvizja për të Drejtat dhe Liritë nuk përkrahën buxhetin e ri me motivin se nuk parashikohen mjaftë reforma. Në diskutimin e saj liderja e Partisë Socialiste Bullgare Kornelia Ninova theksoi se qeveria krijon një situatë paradoksale, duke caktuar prag të varfërisë nga 186 euro për vitin 2020 dhe pension minimal për stazh të sigurimit dhe moshë nga 112 euro. Buxheti parashikon që rroga minimale e punës nga 1 janari i vitit 2020 të bëhet 312 euro. Ministri social Biser Petkov tha se projekt buxheti i propozuar është realist dhe i realizueshëm dhe janë të minimizuara rreziqet në plotësimin e tij.