Ergünal Sabri-Ogi fitoi një kupë dhe medalje të artë për Bullgarinë në turneun memorial “Živorad Rajshiç Rajsha” zhvilluar në qytetin serb Shabac. Në turneun më 23-24 nëntor ai garoi për Skuadrën Kombëtare të Boksit.
“Morën pjesë vetëm vendet ballkanike – Serbia, Kroacia, Maqedonia dhe më ra si kundërshtar sportisti më i mirë nga ana e mikpritësve, serbi Omer Ametoviç. Munda ta mposht. Vet ndeshja qe, po të mund kështu të thuhet, një atraksion i madh, sepse kundërshtari im qe i lindur në qytetin Shabac dhe i gjithë publiku qe në anën e tij. Por unë jam shumë i kënaqur nga vetja ime”, tregon për turneun Ergünal Sabri.
Boksieri 18 vjeç mëson në gjimnazin gjuhësor “Hristo Botev” në qytetin Kërxhali. Tanimë ka arritur dhe suksese të mëdha në sportin e tij të dashur - ai është kampion evropian për dy herë me radhë në vitin 2019 /tek të rinjtë dhe tek meshkujt/, 11 herë kampion i Bullgarisë dhe dy herë sportist i vitit i qytetit Kërxhali.
Pas boksit Ergünal është pasionuar fare rastësisht. Në moshën 11 vjeçe - siç shpjegon dhe vet ai - ka qenë në stërvitje e futbollit dhe e ka kuptuar se në qytetin Kërxhali ka një turne në boks. E ka parë, dhe pas fundit të turneut ka marrë vendim të regjistrohet në stërvitjet në klubin “Arda boks”, ku njihet dhe me trajnerin e tij të parë Stojan Uzunov.
“Pash se ka një talent tek ky fëmijë. Filluam stërvitje serioze. Pas dy vjetëve stërvitje nuk kishte fituar asnjë medalje, por unë pash tek ai një potencial, të cilin ai e ka, – tregon trajneri Stojan Uzunov dhe kujton rastin nga viti 2013: Kemi një traditë, që të gjithë boksierët e shquar dhe të dalluar t'i fotografojmë në mënyrë individuale me medaljet, të cilat i kanë fituar. Doja të fotografoj dhe Ergünal Sabri . Kur bënim kalendarin ai më pyeti: “Trajner, unë nuk kam medalje, përse më nxjerrë në foto individuale? Çfarë do të shkruajmë poshtë? Unë nuk kam arritur asgjë “I thash: Djali im, do të shkruajmë “Projekt kampion olimpik”. Pavarësisht se kjo , të cilën e ka arritur deri në këtë moment aspak nuk është pak, unë besoj se, sukseset e vërteta të Ergjunalit janë në të ardhmen. Jo vetëm sepse ai ka një potencial, por ai ka një disiplinë, e cila në boks takohet shumë rrallë. Shpresoj se, herët ose vonë do të arrijë suksese të mëdha në boks. Në Bullgari ai nuk ka pasur asnjë humbje as tek meshkujt, as tek të rinjtë.”
Stojan Uzunov aktualisht është trajneri i vetëm dhe kryetar i klubit “Arda boks”. Shpreson se pas kohe Ergünal ta trashëgojë dhe si trajner. Stërvitjet e “kampionit të ardhshëm olimpik” janë çdo ditë nga një orë e gjysmë. Por veç kësaj pas orëve të mësimit në shkollë, Ergüna bën një stërvitje individuale, për shembull vrapim. Kështu koha e përgjithshme, të cilën ai e ndan për përgatitje sportive bëhet katër orë në ditë. Çfarë i jep sporti, përveç emocioneve nga fitoret dhe dekoratat?
“Si tërësi çdo gjë, sporti të edukojë, thotë Ergünal Sabri. Krahas kësaj më ka dhënë edhe emocione dhe shokë të rinj. Të gjitha.”
Pas klasës së 12 Ergünal përsëri ka ndërmend të gërshetojë mësimet, karrierën dhe sportin. Kurse sa i përket sekreteve të kësaj disipline, talenti i ri tregon:
“Boksi nuk është të ngjitesh thjesht në ring dhe të luftosh. Boksi është një art. Shikon që të tregosh lëvizje të reja. Goditje, por nuk është si një rrahje në rrugë. Boksi ka rregulla, pika, rezultate...”
Sa u përket boksierëve, të cilët ai i ka si shembull në jetë dhe në karrierë, Ergünal Sabri përmend:
“Boksierët bullgarë Ivajllo Marinov, Serafim Todorov, Daniell Petrov, Petër Lesov, Gjeorgji Kostadinov – këta janë disa nga boksierët më të mirë si tërësi në boksin bullgar.”
Përgatiti në shqip: Nataniela Vasileva
Foto: Radio Kërxhali
Në ditën e parë të Kupës së Botës të Gjimnastikës Artistike në Baku (Azerbajxhan), bullgarët Dimitër Dimitrov dhe Edi Penev u kualifikuan në finalen e ushtrimeve në dysheme. Kjo është gara e parë për këtë vit për Dimitrov, i cili për performancën e..
Tervell Zamfirov fitoi titullin botëror në sllallomin paralel në Kampionatin Botëror të Snowboardit për të rinj dhe të reja, që po zhvillohet në Zakopane. Kjo është medalja e dytë e artë për 20-vjeçarin bullgar në Poloni, pasi dje u shpall kampion..
Tervell Zamfirov u bë kampioni i botës te të rinjtë në sllallomin gjigant paralel të snowboardit. Kjo është medalja e dytë për Bullgarinë pas argjendit të motrës së tij Malena . Në finalen e kampionatit në Zakopane (Poloni), Tervell Zamfirov mposhti..
Qitëset bullgare fituan një medalje argjendi dhe një bronzi në ditën e parë të Kampionatit Evropian të Qitjes Sportive në Osijek të Kroacisë. Në garën..
“Botev Plovdiv” organizon sot, 11 mars, një ballo bamirësie për të festuar 113 vjetorin e themelimit të klubit profesionist të futbollit...