Radioja Kombëtare Bullgare © 2020 Të gjitha të drejtat janë të rezervuara

FMN: Pabarazia në Bullgari është duke u rritur

Foto: EPA/BGNES

Sipas fjalëve të udhëheqësit të Misionit të Fondit Monetar Ndërkombëtar në Bullgari, Jaewoo Lee, pabarazia në vend vazhdon të rritet. Si masë për sigurimin e resursit më të madh për shpenzimet sociale, Fondi propozon rritjen e shumës maksimale të të ardhurave të tatueshme, pa heqjen e tatimit të sheshtë, i cili në Bullgari është 10%.

Ekspertët e Fondit Monetar Ndërkombëtar, të cilët janë tek ne që nga 4 shtatori, zhvilluan shumë takime me përfaqësues të qeverisë, të Bankës Popullore Bullgare, biznesit dhe organizatave joqeveritare. Ata vlerësuan lartë qëndrueshmërinë e sistemit financiar dhe gjendjen e ekonomisë gjatë vitit 2019, duke thënë se edhe gjatë vitit 2020 pritet rritje e qëndrueshme, megjithëse ajo do të jetë më e moderuar.  

Ndërkohë Instituti Kombëtar i Statistikave shpalli se inflacioni vjetor gjatë janarit është 4,2% dhe rritja e çmimeve është regjistruar për pothuaj të gjitha shërbimet dhe mallrat.