62 janë pacientët, të cilët janë infektuar me COVID-19, informoi udhëheqësi i shtabit të posaçëm kundër sëmundjes gjeneral Vencisllav Mutafçijski. 240 janë kampionët e analizuar gjatë së hënës (16 mars) dhe 10 prej tyre janë pozitive. Shumica e pacientëve ndodhen në shtëpitë e tyre, vetëm 16 mjekohen në spitale.

Kryeministrit Bojko Borisov, gjeneralit Mutafçijski dhe të gjithë anëtarëve të shtabit të jashtëzakonshëm u janë marrë mostra. Analizat tregojnë se ata nuk janë prekur nga koronavirusi.

Mitropoliti i qytetit të Plovdivit Nikollaj urdhëroi çdo natë nga ora 21.00 deri në orën 21.15 të tingëllojnë kambanat e të gjitha kishave në Plovdiv në shenjë përkrahjeje, respekti dhe solidariteti me specialistët e mjekësisë, të cilët kujdesen për të sëmurët.